 |
| سعد اشميل علي تعبر كتوبه كتابه |
سعد اشميل علي تعبر كتوبه كتابه
علي تعبر اذا حطولي سم بالزاد
وما تعبر عليه وجوه مسمومه
ناس تحب خراب وكل طشاش اثنين
يحسدون الگصيبه شلون ملمومه
شردت من السجن مو حكمي جان طويل
ولا متضايگ من الگعده والگومه
واحد مختلف يرضه عله نفسه شلون
هدوم السجن كلها مشابهه هدومه
وبس انت العزلتك بين هاي الناس
ورممتك وانه بيوت اهلي مهجومه
لا تلجم جروحي التوها ملجومه
عصافير السوالف جالات بزور
بس تشمر حصى يگومن فرد گومة
وبس أنوي الرحيل البس طويل الثوب
حتى امسح اثاري التبقى مرسومه
ولك جنت أقسر قرار الخيره وامشي وياك
وانه اليتخايلك لو بأس مقسومه
طحت تجيلتي وكتلك جزاك الخير
وباخر لحظه كتلي انطيك معلومه
الحطب من ينتجي أسهل كسرته تصير
الي رفسة ظهر ما ادري مضمومه
عود انت العزلتك بين هاي الناس
ورممتك وانه بيوت اهلي مهجومه
انترس عثكي حصو بطون السجج مو هيج
ومو هيج انطرد بعيون مهضومه
وانه كد ما معزب ما ارهم ناطور
لأن لمن تجي ما اطرد النومه
لميتك حروف مطشرة من الناس
وصغتك جلمه بعد مكابر ولومه
وضفت شامات وجهي أعلى الحروف نقاط
من كالو كلمتك موش مفهومه
وكت تختار شتضيف لهمومه
الجنت تختارله من يطلع هدومه
الينطبكن ضلوعه من يمر طرواك
مثل طبگة جنح فراشة ملزومه
ولك بس انت الردت يومي گبل يومه
جا هيه إله ارافس وبرگبتي حبال
انه مثل الثقه بلا حبل معدومه
بطلاع الروح تمشي بمنحرة السجين
المحمل حجي وواكف ابلعومه
عود انت العزلتك بين هاي الناس
ورممتك وانه بيوت اهلي مهجومه
كل القصائد الحسينية للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الوطنيه للشاعر سعد شميل هناااا
كل القصائد الرثاء للشاعر سعد شميل هنااا