 |
| رضا العبادي غثيتني وطيحت مكتوبه كتابه بيت الشعر مهند العزاوي |
رضا العبادي غثيتني وطيحت
غثيتني وطيحت
غثيتني وطيحت بس من تردهه علي
انسه الثقافه بعد ولبس هدوم اهلي
ومابلغك احنه عرب خيرنين
وكت الصلح بس من يضكنه العرك
كلمن يكض تفگته
الكافر وليصلي
انت علاجك شخص لمن تغيضه اثر بخدودك يخلي
بس موش منهه وگضت
خنسولف اعل المضن سجينه سجينه
رغم العلاقه بدت
خطار وكت الاكل من كثر مانستحي مدافع ادنينه
بنادم يضل يحترم
من تنكسر عينه
كالو يدور غلب بس ماخذيت الحجي
ومعاند وي الزلم دنيتك الصوبي
من فلوس عندي گبل
يوميه يمي تجي وماينسمعلك خبر من تفرغ جيوبي
من انمد ادينه صلح حضرة جنابك منو ترجع چفوفك وره
وماتقبل تمدهن
وحنه بطبعنه رمل من نركض وي الهوه
عيونك بذاك الوكت ماتلحك اسدهن
من اشكيلك اعل المرض جا تستغل موقفي
وشيناتك تهدهم
من اسلم توكف ويمنتك تكربهه
كهوه ومارهم باليسره تشربهه
مفاتيح اسحب من اوسادة الناطور
فطن وتحده زلمه چفوفي يغلبهه
كبرنه وهسه حك المثلك يعيلون
بصبعي الحلقه مابي حيل اطببهه
اعبرك من اوزع تتن للوياي
جنت يمي الجكاره بستر تشربهه
عمد بالصوره من اترك مسافه وياك
خلك ماعندي بس تتعافه اخربهه
تكلهم عايفه حارس اكبال البيت
مو انه الحچايه السله تشطبهه
من نسمع رمي اتضل الزلم ع باب
ومن كد خوفنه اعل المره انطببهه
طرف حبل الجنازه ولارخيت وياك
تضب من صوبك ومهن صوبنه نضبهه
طالع من حياتك ولجسد شيفيد
اذا طلعت الروح وصعدت الالربهه