 |
| الشاعر سجاد صباح حنين ودم |
الشاعر سجاد صباح حنين ودم
حنين ودم
جگارة واغنية ودفتر
ونفس جسمي
واحس الروح ثگلت بيه
بيت يباوع اعله العائلة التكبر!
وشحچيلك؟..
سواد الدنيا يشرب كل وجه بيه لون
وانه اسمر!
الاخذته من الزمن؛ ظلمه
واشوف بكل مكان اشياء توجعني
غرفة شاب مات…تنام بيها امه
واتأكدت لمن باوعت وجهي
الملاذ الامن :الظلمة
لا تسألني ليش اتظم نزف جرحك
انعدام الثقة ايخلي المنكسر : يضحك
ولا تسأل صياحك وين؟
عشت بذل
المحد يفتهم حزنه…كلامه يقل
وشنهو الفايده واعضامك تمشيك
بس افكار البراسك عليك تصل
رحت للدنيا ناقص عمر
زايد هم
وعشت حال الكتل محبوبته الحبها
ورجع يتمشى وبهدمه حنين ودم
من تحس كلشي مو بيدك
صنم ساكت ويمك ناس تتبركّ
چا هو السفر شيفيد؟
اذا ميت شعورك وانته تتحرك
الاصوات التنومك…هيه التسهرك
عشت عمري قوي وتعبان
وليغرك عمق صبري
التفاصيل الزغيرة
تكبر الانسان…
واخجل لو شفت وجهي
يوميه اعله المرايا الگي شي خربان
يريت الروح سفرة عرب وافرشها
اريدك تسال انته گبور الانتحروا
القصة الخافوا يعيشوها، عايشها