 |
| سامي العبادي شحلات اللهفه |
سامي العبادي شحلات اللهفه مكتوبه كتابه
شحلات اللهفه ذيج ا البل بدايات
شوك ـ وخجل .. راسك ما ترفعه
أتاني اليل خاطر تسهر وياه
وحب وتضحية احساسك يشبعة
شوية شوية تبدي تحسه وياك
يحب يشوف خدك من تنكعه
لهنااكّ و تقل الاحترامات
هنا تندم عليهن دمعه دمعه
مو ذلة ولكن صعبة والله..
اذا تصفه المشاعر تالي سلعة
تدري الوجع وين يزيد وياك ؟؟
من اتدور وما تلكة اليسمعه
واذا ما تفهم الاحجيه .. بعدين
تحس بمرورة الماي التبلعه
تتلوع وتسهر هاي اذا غير
ضريبتها شبابك من تدفعه
الدلال اليبدي بايام العلاقات
هذا فراك ... بحفوفك تصنعه
وكو احب خيطة اذا يبدي بخلافات
اتحداك اذا موقف يكطعه
واكو يشك بيك بس من خوفته عليك
عكس ماي الثقة اليرويك نبعه
واكو بيهم يشك بخياله مرات
ما يكدر يبدل هذا طبعة
عينوه اليرد للبيت تعبان
الما متهني حتى بضحك ربعه
اليعض جفه بندم ركز عليه شوف
من تباوع عليه كلبك يشلعه
من شرب الجكارة اليصعب عليه
ما يكدر يكضها ابطرف اصعبه
تعمُد ما مسحت ملوحة الجام
خاطر ما تبين بيه صدعه
الوجع يوصل للمصلاية وياك
تشك ؟كملت لو مطلوب ركعه ؟
غلا عقلك يعوض رخصك البيك
بس ما تسمع شما كال ودعه
هنا تتندم عله الصار بعدين
وتطفي بذكرياتك شمعه شمعه
وتگرص گلبك لحد ما تحس كون
دمه عله الهدوم يصير تكعه
الما حط بيها صبعه وسوه كل هاذ
اشلع عينك واحطها بأصبعه