 |
| الشاعر محسن الموسوي ولا مليت وي ياهو اليجيني |
ولا مليت من صدك يبذات
الومك لو الوم الروح حيرة
من تفوت اذل الروح للعين
توسل راسي عن طولك اديرة
بس افهمني من تشوفني صغير
الخلل مو بية لا بعينك جبيرة
اهون ضحكتك وانساهة مرات
انة برصعة خدودك روحي اسيرة
وانت اشفت بية ووجهك اندار
انة اتمنيت تاخذ نظرة اخيرة
هاي اسنين الية بوحشة الليل
وراح اشرحلك بقصة قصيرة
وقبل كلشي البطل بالقصة مجهول
وروحي بقصّتي اتخيلها اميرة
بقصرها اتعيش غربة واحس مرات
عن الناس مركونة بجزيرة
شعرها تضفرة خدامتها بفلوس
وما مش عاشگ يفل الظفيرة
وعالشباج يومية الكمر جان
يمر وتكلي لا مو هذا غيرة
لحدما انته صدفة بدربي مريت
وبدت قصتي الحقيقية الجبيرة
لو وياك لومااحب بلياك
وهاي حجايتي وياك الأخيرة
وي ياهو اليجيني اسراري ترتاح
مااعرف اخلي لگلبي مفتاح
هذا انة وعلي ماظام عالناس
الي بكاع البخت والطيب سباح
دمعي يطيح ، حيلي ، ايامي مرات
وماي المستحة من كصتي ماطاح
وظلمتني شكثر دكات الايام
وبعدني انضح لليمرون قداح
اشتهني النايبات ومرن بليل
وافترن علية اظنون واشباح
وبس صار الصبح كمت وي الاطيور
وكل همي نفضته بخفگ الاجناح
وعفت شجم قصيدة اتكدر الروح
وهمس خليت ماحب طاري الاصياح
فدوة اللي يجرحوني يظلون
بگلبي وغيضي منهم كلشي مالاح
صح قهروني بس عدت سلامات
حسبة ليل ضكني وخلص وراح
وي ياهو اليجيني اسراري ترتاح
مااعرف اخلي لگلبي مفتاح
هذا انة وعلي ماظام عالناس
الي بكاع البخت والطيب سباح
دمعي يطيح ، حيلي ، ايامي مرات
وماي المستحة من كصتي ماطاح
وظلمتني شكثر دكات الايام
وبعدني انضح لليمرون قداح
اشتهني النايبات ومرن بليل
وافترن علية اظنون واشباح
وبس صار الصبح كمت وي الاطيور
وكل همي نفضته بخفگ الاجناح
وعفت شجم قصيدة اتكدر الروح
وهمس خليت ماحب طاري الاصياح
فدوة اللي يجرحوني يظلون
بگلبي وغيضي منهم كلشي مالاح
صح قهروني بس عدت سلامات
حسبة ليل ضكني وخلص وراح