 |
| يمه ذوله أهل القصر، قصيدة الفقراء، |
يمه ذوله أهل القصر، قصيدة الفقراء،
يمه ذوله أهل القصر مالاعبوني..
يمه من شافوني أجيت..............
تنادسوا وأستغربوني................:
يمه ماسموني بأسمي...............
وگالو هذا ابن الفقير وشتموني...
وگالوا هذا أبن الصريفه وعيروني
يمه چاهوه الفقير شسوه من نچله
بعمرهم....
يمه چاهيه الصريفه...................
شماخذه وخايف قصرهم............
يمه گالوا لاتمر مناه بعد.............
بالك تشم ريحة وردنه...............
وگالوا بجدمك الحافي................
نخاف يترب عگدنه...............:....
يمه عدهم كلشي......................
عدهم وأحنه بس الماكو عدنه....
يمه لعابات عدهم....................
مدري شنهي وآنه لعاباتي طين...
يمه حتى ثيابهم مستغربتني.......
يخازرن ثوبي الحزين.................
يمه چاليش أحنه فقره..............
وليش اهلهم زناگين.................
يمه دين الفقره متعب.............
خل نبدله بغير دين.................
وليش ماعدنه قصر.................
عالي مثلهم موش أبونه اليبني
هاي قصورهم كل هل سنين...
وليش ماعدنه ورد.................
يمه مثلهم موش...................
ابونه اليزرعلهم بساتين..........
يمه موگلتيلي مره ابنادم........
اطباعه تهم مايهم لونه..........
ثاري بس الگمر بالدنيه يحبنه.
اعلينه يسهر دوم ماغمض......
عيونه.
يمه خاف الگمر هم ينباع.....
وألهم يشترونه
يمه خاف الگمر هم ينباع......
وألهم يشترونه،.