 |
رائد الفريجي, لاتستعجل,واذا شاعر,
رائد الفريجي لاتستعجل
لاتستعجل اليكبر بسرعه يموت ...............
ولاتستعجل ادروب القصيده ابيوت..........
عيش الخطوه الاولى الدرب حسبه شيب..
الخطوه الثانيه لو كاع لو تابوت...............
اول صفكه عادي اتلوك لاي عريس.........
لتضن( صفكولك وانت بيد الحوت.........
اقره اجروحك بهيده الجروح احساس.....
خلك الليل يطول بالحجي البسكوت.....
الفارگ والحضن.. طبع القطار اصياح...
ميحس بالمحطه الغافيه من ايفوت......
تفرق حركه العاشك على الهادود.........
وحده بدمعه تطفه.. و وحده تطفه بصوت
،،،،،،،،،،.
واجب
تخلق اسمك من قصيده ولون..............
واجب
تختلف عن كل اليكتبون.....................
اكتب عالگصب بس لا تشبهه بناي.......
اخلق شي جديد يخلد اسمك كون......:.
كافي العاجر اتفززهه بالكاروك..............
ولاتربط الليل بعين اليسهرون..............
شوف الكاطع بيا فكره دك بيبان..........
(ابابك طحت ها كمت
ضميت اديه وكمت ع الباب بالروح ادك
شعجب شو مختلف عن كل اليدكون.....
بعد شوف الضويري شلون يحلف جان..
اي وحقك وانت اعز من اليمين............
مو شرط القسم بالناس اليشورون.........
،،،،،،،، ...
ضروي
تكون محرج... حاير شتكتب................
ضروي..
تشوف نفسك كشر بين اللب................
ضروري
اتطيح لكن بالهوه اتجلب.....................
وليغرك الكبلك والصور والناس....،...،،...
ولتباوع لذوق الشارع شيطلب..............
سهله الناس تقنع بلشكل بالصوت.........
بس النخبوي ايتعب
علك صورتك كوه اعله بال الناس..........
مره وثانيه يحسون كلمن ماسمع مذنب..
مثل الما سهر ليله بكلبهه الشوك.......،،،
من تكثر بذنهه سوالف العشاق تبقه اتحب
،،،،،،،،،،،
واخر امنياتي الكاك
شاعر والنجم مصبوغ باحساسك...........
رافع هامتك للغيم بس مدنك لناسك.....
......................
واذا شاعر
لیش تنافس الطاووس
کلمن عایش بلونه
واذا شاعر
شنی ماخذ طبع تابوت
محد تارس اعیونه
النجم من يعثر إبغيمه مايلگه حظن بالريح
عيش انسان .. صاحب گاع
الگمر مرات محد يعرف شلونه
ترا الیاخذله صوره ویاك
شالك هم عله امتونه
وكلمن بإسمه سَمّي الناس
حتى اسمك يذكرونه
آني فلان .. آني فلان
هاي احچاية التايه
بلكي الله ويعرفونه
شوف الطيف ماعنده ضريح بليل
خاطر مايگصدونه
مايرضه اعله روحه يكلف العشاگ
صاحب ذوق يفتر عاليتانونه
اشگد گمت استحي لروحي
من اشوف الجيل بي چم شاب
يكتب لليحبونه
اذا مايلمع !! الجمهور طبعاً مايفهونه
واذا شاعر
شجاك تعلم اهل البيت يمته إيأذن الآذان ؟
ليش اتحارب الجامع،؟
خاطر لايصلي انسان
الصلاه واجب على الغرگان
ثقافه إمنيلله الماغوط يم احچاية القرآن
عيش براحتك منبوذ
وإرضه بواقعك فنان
لاتحچي بثماله اگبال ياهو الچان
واذا شاعر
عوف الله لعلي الاستاذ
وابقه بعالم النسيان
ولان شاعر
كلشي بعالمك محبوب
افارگ واشتهيك احساس
واشوفك حرف شايل راس؟
وحيد ويمك اشگد ناس
وأنه اترجاك
لاتاخذني يم ذنوب
ضماد الگاك چلمه بخبصة جروحي
واتصبر على الماينسي بطاريك
واسمعك من بعيد اتسولف لروحي
كل القصائد الوجدانيه للشاعر رائد الفريجي هناااااااا
كل القصائد الغزل للشاعر رائد الفريجي هناااااااا
كل القصائد الرثاء للشاعر رائد الفريجي هناااااااا
كل القصائد الوطنيه للشاعر رائد الفريجي هناااااااا
كل القصائد الهجاء للشاعر رائد الفريجي هناااااااااااا
كل القصائد الحسينيه للشاعر رائد الفريجي هناااااااااا
حوار صريح مع الشاعر رائد الفريجي هناااااااا