 |
الشاعر مرتضى الميالي، عفواً، يردوني آكتب
الشاعرح مرتضى الميالي، عفواً، يردوني آكتب
الشاعرح مرتضى الميالي، عفواً،
عفواً كبل شويه شكلتي
ماجنت اسمع كبل شويه
ما جنت بهل العالم حتى
جان اللحن مسافر بيه
حيث الشاطي حيث النسمه
حيث القمر الناصع ضيه
حيث الافكار الشتته
من عقلي ضجيج السمتيه
حيث الزمن الابطل لعنه
زمن البي مرتاحه الناس
زمن الابعاد المفتوحه
زمن اوسع من حجم الكاس
ما اجمل وقع الموسيقى
وشكد في داخله احساس
احساس اتمنا بالدنيه
بس يا حسره ما موجود
ياسخف الدنيه الما تعرف
كيف تحس وكيف اتجود
يا سخف الدنيه الخلتني
استبدله بصوت العود
وبكاس زغير ومثلم
لكن حاضر مو مفقود
مو كاعد على برجه العاجي
ويشمر على راسي وعود
عفواً يا صاحبتي الحلوه
دخلتـــــج في تعقيــــدات
ماتسوى الدنيه تخسرني
هلكد كلمات ولحضات
مو حلوات عيون الدنيه
انتي الي عيونج حلوات
الشاعر مرتضى الميالي، يردوني آكتب
يردوني آكتب شكتب وشتغزل
مأتستفزني آلدنيا مثل ألآول
رد فعلي بآرد صأر حتى من آلنأر
ميهزني كلشي وكلشي كمت آتحمل
مر بيه كلشي وكلشي أصبح مألوف
مألوف حتى آلجآي بالمستقبل
بعدين وينه آليسمع وخلكه طويل
ترجيت خلكي وعآفني ومأطول
آلمحنة آكبر من كتآبة آشعأر
بس آليآس مر والتفأئل آجمل
لابأس اذا حب عالكلب يطرق باب
بلكي آلخلآية آلنايمة ترد تعدل
بلكي آلمكان ألآسود يطبله آلنور
وتنفك البوب وألمخآوف ترحل
وأرجع ذاك الجآمح آلمآلي حدود
أعبر كوآكب لحظة ألآتأمل