الشاعر فاضل، كريم يسألوني عن ديرتي،
الشاعر فاضل، كريم يسألوني عن ديرتي،
يسألوني عن ديرتي
واحتار احچي الصدك
لو اسكت من انسئل
$$$$$$
الله ابتلاني بوطن
بس اني اضحي اله
وماموت مثل البشر
كل يوم اموتن شكل
$$$$$
تنور مدري وطن !
جبت العمر مشتعل
$$$$$
واحدنه مثل الخبز
خلصهه نار وحطب
وبس ينشلع ينوكل
$$$$$
جاي اشم ريحة حرب
بس هالسوالف بعد
ما اشتريهه بفلس
مليت كافي انكتل
$$$$
ما طيح وحدي بعد
قررت اصيرن دمع
لو طاح من الجفن
ياخذ بدربه الكحل
$$$$$$$
من اللون الاحمر گمت
مو بس اضوج اختنك
موت وضحايا وقتل
$$$$$
لو بيدي اغسل شكو
دم بوجه ديرتي
والاحمر البلعلم
ما يبقى هم ينغسل !
$$$$$
بس شفت الاحسن الي
من راسي اشيل الوطن
اكتل بروحي الوطن
جريت شيلة مره
ودست اعله ضحكة طفل
$$&$&
وكل ذكرياتك امس
خليتهه وي السگف
مابين كرسي وحبل
.
شتريد ياموطني
كل ما اگولن متت
الگاك بعدك عدل