 |
| فاضل حسن عريس الجرف |
فاضل حسن عريس الجرف
للشهيد علي رشم
فاضل حسن عريس الجرف للشهيد علي رشم
مشيت والله يدري
دمعي يشهد
العابر نار بالدخان يبرد
علي من تمشي طولك ينكط افياي
اريد اشواي منك واكطع الماي
عبر جرف الصخر والبلم تابوت
علي مبجي للكبا منه يموتون
علي خنكه الشوارع وين ما افوت
ازدحام الذكريات يكعد الشلون
العليه يحجون
شيكولون
وي الدبابه عين بعين شفناه يترامه
بجف مملوح شال الروح رشمها وتسكت حلوك الملامه
بعدك ما متت يومية تكبر
تابوتك عليك اليوم يكصر
بثالث يوم من صيحات الطفوف
بيهن روح يم عباس الجفوف
بعد طلقه وجرح توصل للخيام
تصير اكبالهن وترد السيوف
بعد تجيه وصبر وتلاكي السهام
وبعد جرة نفس للمعركة تشوف
مات مااكول
عشت مكتول
يعريس الجرف عيش بسعاده
الوكف ماطاح
وابد ما راح
اخذ صك الخلود وي الشهاده
أواصل فركتك واتمنى تكرب
ردت تموت ها لو ردت تنحب
وادم حبتك وانت ابن التراب
شحال لصاحبك من كبل الغياب
خير ترزق دمع من كلبي والعين
جفوفك يتمن بيبان الأصحاب
مخلي بخاطرك من جان الك روح
وعفتني بخاطري وياك العتاب
عليك العين
ابن عشرين
تمشي يسبح الوادم خيالك
المدينة الناس
شمع والياس
ابوك وأمك اشتاكو دلالك