قصيدة
كعدنه بلا وكت والليل عالباب
ندهو بالنه مطولين الغياب خاطر كسر خاطر لازم انكوم
نعسان الضوه بعيدين الأحباب
إفتح ها منو...؟ كال انه العراق
شكلّه آنه الصرت ويّاك إلي عتاب
كسرنه احلامنه وعاتبنه الجفون
وبضهَر الصبح ذبينه التراب
يوميه بحزن نلتم مثل غيم
الك فدوه انحسبنه وتاه الحساب
بعدنه بيوتنه انمر بيهه خطار
عوز وحرب حد ماصرنه شيّاب
نخلص من ظلم نوكع بالف ضيم
صَبُرنه مارَهَم.... مفتاح للباب
بس احنه نحط بيبان للكاع
توابيت النجف تحسبنه ركّاب
لحّك عالدمع ما دامه بالعين
لأن وكت الفرح موجوده الأصحاب
دنيه وتنسه كلشي وباجر تشوف
وكول فلان كال.. وطلع جذاب؟
،،،، ،،،،،،،،،
قصيدة
ماتسمع احزان اه ياعراقي
هم مثلك انسان بالدنيا باقي
انا اسلامي على درب الله تندل ماشية جدامي
اموتن جوع بس عايش على احﻻمي
~ عمري البكلبي فوك لساني ~
~ ديني كلش جميل انساني ~
~ليله لامايطفي عيوني~
~حيله مايلوي صوت اذاني~
من هو الي اذاك بس كون تدري
من دمع وياه وانطيه عمري
عراقي اني البعد النجم هم ينطي عنواني
عراقي اني اذا تسمع صدك مريت بيباني
~هونك ياوكتي صعدت ناري~
~شلونك محد سالني اخباري~
~دونك لجمه وداع اثاري~
يادنيا ياناس من عدنه كافي لايبرد الياس ع الشمع دافي
من اللامي اذا مر الفرح ياخجله ايامي
من ايامي بعيني انكل دمع واتبدد احﻻمي
~وينك هم بينه حسب احسابك~
~وينك كضتهه ليل احبابك~
~وينك ياموطني يعراقي~
~وينك حتى الدمع ماجابك~
انا اسلامي على درب الله تندل ماشية جدامي
اموتن جوع بس عايش على احﻻمي
~ عمري البكلبي فوك لساني ~
~ ديني كلش جميل انساني ~
~ليله لامايطفي عيوني~
~حيله مايلوي صوت اذاني~
من هو الي اذاك بس كون تدري
من دمع وياه وانطيه عمري
عراقي اني البعد النجم هم ينطي عنواني
عراقي اني اذا تسمع صدك مريت بيباني
~هونك ياوكتي صعدت ناري~
~شلونك محد سالني اخباري~
~دونك لجمه وداع اثاري~
يادنيا ياناس من عدنه كافي لايبرد الياس ع الشمع دافي
من اللامي اذا مر الفرح ياخجله ايامي
من ايامي بعيني انكل دمع واتبدد احﻻمي
~وينك هم بينه حسب احسابك~
~وينك كضتهه ليل احبابك~
~وينك ياموطني يعراقي~
~وينك حتى الدمع ماجابك~