فاضل حسن قصيدة يافكدهم
اي تعال لموتنا
شبعت اغياب بيوتنا
ذبحونا يحسين
يمتى الفرج وين
هذا اجه عاشور كله
خل يلم الدمع شمله
نمسح خروف النعي ونكتب جديد
اهواي ما عدنا وما حزنا بعيد
نصيح حيل الله ولحد
يافكدهم يافكدهم
الدنيا وحدانية لو هم لوحدهم
انلم بياض الكون بي نكتب اسمهم
وشكو نار اليوم تسجد يم خيمهم
نعصر الليل بدربهم نجمه نجمه
ما تطفي دروبهم هليوم ضلمه
نسمي كلشي اليوم بسمه بسمه
نوكف اباب الضوه اللازم يردهم
نصيح حيل الله ولحد
يافكدهم يافكدهم
ذبحونا يحسين
يمتى الفرج وين
يا وضعنا يطول شرحه شرحه
وي الزمن ما وكف جرحه جرحه
يذبح الآذان ويرد ع النشيد
بين دين و وطن تابوت وشهيد
وصوت صيح الله ولحد
يافكدهم يافكدهم
والله جن عمري سنه كله محرم
ذاكه ميت والله قبل اشويه سلم
تروح شمس الله واجبنا الوكت اضلم
حيل اضلم
ناس عدهم فاتحة دمعه جديده
وعلى خاصرته ابوه مخلي ايده
البكه براسك كال راسي ما اريده
كتله ابجي وياك بلكي نردهم
صاح حيل الله ولحد
يافكدهم يافكدهم
اي تعال لموتنا
شبعت اغياب بيوتنا
ذبحونا يحسين
يمتى الفرج وين