قصيدة اذا متريدني وما بيك جيه
اذا متريدني ومابيك جيه
وما مر بيك ضيم المار بيه
لتخليني حاير بين الأثنين
لو أتانيك لو أتاني المنيه
انه تمنه اكلك عايش بخير
بس المشكله مبين عليه
صح شويه چنت اشاوف وياك
بس الشفته منك مو شويه
انه كبال ليدور زلت لسان
سولفت الاي ولمو اليه
سألوني عله كلبي وكلت خاليي
وعشت احساس واحد لا ابالي
بس ما طولت عرفوني مشتاك
من فكرت بيك بصوت عالي
انه لو ما مرخص روحي وياك
وغلاتك ما صرت هلكثر غالي
وضحك ولفراك يكود بيه
مدري ليا مذله ويا اذيه
حيلي وهيبتي ودمعات العيون
خلصن بس معزتك ذيج هيه
شافو حالتي ربعي وتعنوك
ردو تارسين اذنك خطيه
كبر بيه الصلح حد التواسيل
ونه ما حامله من جان نيه
حقك ما مجربها الحرامات
ولا خنكتك مره المغربيه
ولا عايش احساس اليبجي بسكوت
تخنك دمعتك ويفضحك الصوت
كدامك بشر بسنينك يعيش
مو حكي منكلك مشتهي الموت
انه باخر نفس وتحرك الباب
وتمنيتك انت ولا هوه يفوت
المهم خلصت القصه وهاي هيه
بوشالة نضر وعناد ريه
اورقه مشككه من ادموع العيون
وقلم ما مستقر يرجف بديه
كملت القصيده وضل نقص بيت
هذا البيت تلكا بلوصيه
التفاصيل
القصيده من وزن النصاري عامودي
تاريخ الكتابه
2015/5/3
القيت
برنامج :- شهكت عشك تقديم مهند العزاوي
برنامج ؛- الفارس تقديم الشاعر ماجد التميمي
غنها الفنان صلاح البحر
حله تشجيع للقصيدة كان
عند ما كملة القصيدة اول تصيريح كان لاخي الاكبر وسام قال كأن القصيدة غنها الكثير من النجوم قبل ان تكمل قلت وكيف قال
اذا متريدني كول ليش تضم عليا ،
ذا متريدني كول رعد الناصري ، كان يردد اكثر من ان يغني بها
وغنه ، يونس العبودي اذا متريدني كول ،
،مؤيد الاصيل،
،فهد نوري ،
ماجد المهندس،
عبد فلك ،
ساجده عبيد،
علي محمود العيساوي ، كانت لوحه جميله وقصيدتك كانت وقصيدتك معرض من صور ولوحات ثمينه
منذ كنت انت طفل
وسبحان الله نفس الدخول ونفس القافيه ونفس الوزن
كل القصائد الوجدانيه للشاعر عصام كريم هنااااااااا