 |
| قصيدة زعلان لو مشتاقلج بيش ابدي |
قصيدة زعلان لو مشتاقلج بيش ابدي
زعلان لو مشتاقلچ بيش ابدي
بفراگ وجهچ لو معزتچ عندييوميه اطلع صورتچ واصفن بيچ
من وجهچ أتخيل ملامح ولدي
هذا الهوى هم ماله داعي بلياچ
ال على المشنقه ما شاف خنگه بگدي
بعدچ كرهت عيوني من شفت الناس
كلمن حبيبه وياه واني الوحدي
تفكيري بيچ وبيش جاي تفكرين
وضل بالي يمچ ما اعرف بالچ وين
والناس وانتي وذكرياتچ ضدي
اكتب رساله وچني احسچ تقرين
واخذ من افكارچ شراح تردين
واكتبها بيدي وارجع اكتب ردي
چا حافضچ وأعرف أشوكت تنامين
اسكت واگولن نامت وما ودي
الناي والراعي وخضار البستان
والهور والشط والنخل والبردي
كلهن شلتهن ردتج انتي تحسين
وبمفرداتج كمت اوصل العندي
وناذر اسمعچ غزل من ترجعين
لحد ماشوفه يصير خدچ وردي
واضحك چذب وياچ حتى تضحكين
عود ابچي من ترحين ابقى الوحدي
وما اكلچ أتأخرتي لو عذرچ وين
واني الادنگ يمچ ولتخافين
من عيونچ الحلوات ما شابع شوف
خاف انحرم من عدهن من ادنگين
كليلي راح ارجع چذب حتى رتاح
وياخذ خطيتي اليحچي بالحب وياي
وهواي شالو ذنبي ما متقصدين
ودمعي 24 ساعه بخدي
وبالساعه الچ 60 حسبه تعدي
هسه انتهت بس ردت اوضح قصدي
مرات اكرهچ من معزتچ عندي
ما أدري شمسوي ذنب وأوكع بيچ
تدرين غيرج كل ذنب ما عندي
التفاصيل
القصيدة من وزن :- الميمر العمقفه العموديتاريخ الكتابه :- 5/3/2019