 |
| الشاعر يحيى العلاق جنت معتبرك الشخص المثالي |
يحيى العلاق جنت معتبرك الشخص المثالي
قصيدة الشخص المثالي
جنت معتبرك الشخص المثالي
نعم السيد الشيعي الموالي
گبل ماابتدي شتحب اسميك
تحب مولاي لو دولة معالي
من اهل الله ..لو اهل العقارات
الك ذو الطابقين وذو الجلالي
مايمشن سوه لو هاي لو هاي
عراقي شلون ومريكي شمالي
يشوفونك واشوفك والفرق وين
آنه اتعمق ويسرح خيالي
اذا شافو ابگصتك مسحه من نور
ابگصتك شفتك تاريخ احتلالي
وذا شافو ابعينك دمعه لحسين
بعيونك شفت لگمة جهالي
دم البيك ينقذله الف مجروح
تعال وكاسره بلون انفعالي
بلكت وجهي الاصفر بي ترد روح
ونته ايصير وجهك برتقالي
ابمعانيك فرح مرجوحة العيد
كد ماتبتسم سنك شكالي
متعجب حضرتك صرت مسؤول
اسم بالي.. ابحكومة لاابالي
ضميرك من يسألك بالله شتگول
مناضل حصلت ثمرة نضالي
مضروبه وقديمه وشابعه تراب
اسطوانه انسمعت ابوكت الغزالي
نفس الصنف كلكم نفس الافلام
مربوطين جنكم عالتوالي
حجم ولادي اغلبكم تلبسون
تفتقرون للحجم الرجالي
ادري وداعتك من عندي شتريد
اظل واگف ابابك واشكي حالي
واقره الفاتحه لارواح موتاك
وسولفلك على ايام الخوالي
وتگعد على الكرسي وانه بالكاع
امرغ روحي بتراب الزوالي
ذيج الساعه تشلع رزة الباب
واصير امنلمنورين الغوالي
مااگدر..اعرفك انته شيبوب
شگلك انته ابو زيد الهلالي
خليلي ومن خلالك ماشفت خير
اذن خليني احافظ عالبقالي
مامحتاج اضوگ اوشالة الماي
انا امگيش النهر من جاي عالي