 |
| الشاعر يحيى العلاق الاحبك مالتك مو گد الزعل ومضات |
الشاعر يحيى العلاق الاحبك مالتك مو گد الزعل
ومضات
الاحبك مالتك
الاحبك مالتك قل مستواهاچانت حارة وبردت شجاها
چنت تگولها وروحك وياها
بعدها بداخلك واسمع صداها
ليش اختفت بيها لهفة الشوگ
لا رجفت گلبي ولا هواها
انت تحبني؟؟ اي والله اكره الاي
من تصير كلمة ورد غطاها
احس گدامها احچاية التنگال
واحس چفيان شر واگف وراها
المن سمعتها؟؟ بمذهبك گول
واسويلك تنازل للخذاهه
هاي الكلمة من تنگال لاثنين
بعد متفيد تفقد محتواها
اليگلك احبك يعني للموت
مو احرف يحركها بشفاهه
الاحبك مالتك! متغيره مو ذيچ
ذيچ انباعت وغيري اشتراها
مو گد الزعل
عيني ابساعتي وعالساعه بس اسالموكد الزعل هسه اني ليش ازعل
بلساني كلتها انتهت الله وياك
عساني لاكلتها وعسى الساني انشل
چا هيه سوالف واگدرز ابلياه
موتني البعد شوفولي صورة حل
اكتبله رساله؟شلون خاف انذل
وخاف يگول راح ورجع يتوسل
كابوس القلق مااخذني عرض ابطول
شو مامتصل شو گطع شو طول
يسلب راحتي وعافيتي من يغيب
لان بس الله يدري ابداخلي اشمحتل
صفيت ابلا سبب اتعصب اعلى الناس
والنفسيه تتعب والوجه يذبل
ساعه البس اهدومي. واطلع امنلبيت
يم عتبة الباب و رايي يتبدل
وارجع وين اروح و ياطريق امشيه
آنه أ بدونه ضايع كلشي مااندل
وبطران اليگلي اصبر شويه وشوف
اسكت عمي دسكت خاف ماتقبل
اهن يومين مرن كبرني اسنين
بعد يومين تلگه اجنازه تتغسل
وافكر بالفرق من چان يقسي وياي
احسبها حرص وابلعها واتحمل
ادورله عذر وليحب يلگه اعذار
ومايرفض الناس الطيبه تتدخل
بس المايسامح هذا اصلا چان
امنيته يگلك روح بس يخجل
بعد ماظل كلام الينحچي واحچيه
ودوله القصيده وليحب يندل
انه بروحي ندم
انه بروحي الندم نايم وقانع بيك
خايف لو كعد حاجيني شيحلها
شما كلبك شبچ وتكلي اخذني شراع
اضحك على السفينه الريح شيكلها
السلم بالعرض تقنع من ايعليك
ملحتك ياكلب مليت بطلها
كتلك عاندتني شلون جمره وماي
سعف يابس غراك وكلت يحملها
وكتلك يم نهر تشتلها مو صحراء
مو تدري العطش والشمس تكتلها
شيقنع السمج بره احسن من الماي
الگذله بياوجه سچين تنسلها
يبست على العواج اسمعني لو مو نار
خشبه ومو حديده شلون تعدلها
شجاك ويم صحيحه تربط الجرباء
شنو بيك اختلف مو جنت تعزلها
كل ذاك الحچيته وياك خارج قوس
بس هاي التجي بقوسين دخلها
كلها العاندت حاشاه رب الكون
يمهلها نعم لاتظن يهملها
فعلاً يمهل ولايهمل