سجاد صباح محد يعرف

محد يعرف

محد يعرف بياليش جاي انتة

وحزنك ليش يم الغربة سولفتة

چنت ادري السجن يخلص ابفكة باب

وانتة اول سجين اتسجنة سالفتة

اجيتك مبحر وفارش امتوني اشراع

ولابسلك الثوب الماتعودتة

اجيتك دنيا تستوعب المابي لون

ولزمت الطافي بيك وبدي لونتة

شفت الغربة ماكلتك واجيتك ناس

ولبست الوان بيتك والوجع شلتة

اجيتك من شفت گلبك ابلا عنوان

وشلتلة احلام روحي ورجعت دگتة

گتلك ليش واتبدة السمار البيك

اثاري الروحة تعبت ليشة فاضحتة

اثاري المختنگ يلگة الوطن شباچ

شرط يلگة الاعزاز الغايبة بطلتة

اثاري العايش ايموت ابطواري الناس

وضهرة ايحدب اوية اقواس فاتحتة

شفگدك وانتة حتى ابغيبتك موجود

بية وطيفك اوية افراشي فصلتة

شفكدك والسنين التدفن المفگود

جاسني وسمارك شبر ماعفتة

شفگدك والمنارة العلت فوگ الناس

سألوني اعلة اسمهه وگلت هاي انتة

هذاك انتة الحرگ ريتي بلاية اكطوف

الباكيتي عاش وروحي شاربتة ء

هذاك الكل هذاك يكودني لطاريك

بهت لوني وخضارك كاعي فاكدتة

سألتك والسؤال ايطخك ويندار

ويردلي بحسرتة وروحة عاصرتة

اسألك والحزن يشبگني گبل الليش

وانشدك عن الهوسة وتكبر السكتة

احط حنة اعلة ادي واتخيل املاگيك

ويطلع وهم مو ذاك التخيلتة