 |
| ايهاب المالكي روح وداعت الله |
ايهاب المالكي روح وداعت الله
ايهاب المالكي
روح وداعت الله محصن من الشر
يلي مخلي الدموع ع الرمش تعثر
اني دموعي سهله المهم انته بخير
بكير الماي ركز تلكه عود اخضر
اموت اني سهل ع اقل انت تعيش
وعسى جف المكابر لو رحت يكصر
لا تزعل على الرادك اتضل ويااا
يحجي بدون وعيه البي ملح غزر
بوس ايد امك وضم الطعم للضيج
من اتضوكك الدنيه مرورت المهجر
صدك كلي حسبت حسابها بلياك
هاي ام المحنه ع البعد تكدر
مو قصدي ارد اعكر خاطرك والله
ولا تتعذر ادري ع البعد مضطر
بس لازم تعرف هناك وحشه اليل
ولو ما بي قنابل والامان اكثر
النسمه الصافطه تخنكك اذا حسيت
اذا طكت بخشمك ريحت العنبر
باجر للنجف من تبتعد تشتاك
وتحن للحمام العل صحن يفتر
وذا مرت ابالك كربله وحنيت
شدكل لبو فاضل منك اتعذر
لو كبل الطفوف مسافر العباس
جا ياهوه باقي الحرس الخدر
روح الغيمهم بس لا ياثر بيك
وخذ حجايتي وكونكاضل اسمر
بطفولته قبل نلعب حرب مرات
جيشين وقتال ونربح ونخسر
جنت ما ترضه ظدي اتصير اله وياي
وذا ما وافقولك تزعل اذكر
جا هسه شعجب خلتني بللياك
رضيت شلون احارب وحدي منكبر
اهم لفركتك لو عالج القناص
اسهر ع الواجب لو وياك اسهر
سافر واني اضل بلمعركه متانيك
اني وبندقيتك نبقه نتنظر
حافر موضعك يم موضعي مخلي
كل لحضة هجوم اتخيلك تحضر
كل القصائد الوجدانيه للشاعر ايهاب المالكي هنااااااا
كل القصائد الوطنيه للشاعر ايهاب المالكي هنااااااا
كل القصائد الحسينيه للشاعر ايهاب المالكي هنااااااا
كل القصائد الغزل للشاعر ايهاب المالكي هنااااااا
كل القصائد الرثاء للشاعر ايهاب المالكي هنااااااا