 |
| سعد الربيعي تصفك ما تصفك، |
سعد الربيعي تصفك ما تصفك،
هجاء الى،
سمير صبيح،
القصيده كامله،
تصفگ ماتصفگ انت مومقياس
ماظلت عليك اتصور الصفگه
بصياح الشعر مايطرب الذواق
وانته الغزل عندك ينقري بحرگه
ومن عليت صوتي خاطر اتعداك
وتعديتك عمر والعمر شيلحگه
ولتگلي المنصه الحكم بين الناس
ماصارت حكم من طگت الطگه
طگ گلب المنصه الوحشة اليقرون
تانه الشعر بيهه وكتلته الفرگه
من صارت صدگ والقصف حنه الليل
فانوسك طفيته وبابك اتسرگه
بوجه الضيف بابك ينطبگ معلوم
متعلم بوجهك بابك اتطبگه
واحنه بهالوطن عدنه الحرب خطار
نفرشله الفشگ واتفور التفگه
وانته الغيظ بيك امگمطه بالصيحات
ولگلبك تلولي وحسك امطبگه
واني امشي اعله طولي اشما علي تگول
ماخليت ساتر ينوخذ حگه
دفن روحه اللغم واتعنه سابع گاع
اذا مد راسه يدري اجدامي لتسحگه
واذا تبرد اخدود المدفع بتموز.
اسوي الروح آب وانزل بحلگه
شابگت الرصاص بكل مسامة شوگ
مثل شبگة امفارگ ساعة الملگه
وتغطيت بجرح وانته الحلم غاطيك
زحمه الحاف حلمك خايب اتشبگه
ثوبك لاتخيطه امن الرگع ملحوم
والابرة التريد اتخيطه اتشگه
درختك من زمان وحافظك عالغيب
والمكشف بعد ماتلحگ اتغلگه
لدير الظهر للشمس وين اتروح
تظل تتبع خيالك دوم وتلحگه
تعرف مو شغلتك ياهو لموازيك
تصد بالسيف ليش وتطعن بدرگه
لمع نجمك صدگ حسبالي من ابعيد
ومن گربت شفتك صخره محترگه
مرات الرياح اتطفي جمر النار
ومرات الطفه لو هبت اتحرگه
حلا" للنزاع وماأطيل اوياك
ولاأستنگي قفلي اوياك مستنگه
طفه اللؤلؤ علي چي لن صفحتي ألماز
ولان تاريخك اسود شع إلتعلگه