الشاعر رائد الفريجي هنيالج

هنيالج يحبج واحد يغارر

عليج من الكحل ليمر ع االعين

مايقبل كذلتج تطلع بليل

مو من بيتكم وحدج تطلعين؟؟

انا الراسه يابس وين ماجان

وابو كلب الصلب ،،بس يمج يلين

اكسري شرايده .. خاطر ،، تقاليد؟

هينه ولا اله احجايه تكسرين

وحلاتج من تعرفين الحرص خوف

وتسمعين الحجي و حاضر تكولين؟

من يصغر غرورج قمه الذوق

بعين الرايدج غصبآ تكبرين

ترا اليطفه بوداد.. ايحركه العناد!!

صبر ساعه يخلصك من بجي اسنين

يكشخه ،، وداعتج خيالج انسان

اذا يلكه اليريده اخذي اشتردين؟؟

حلاه العشره من اخذ وعطه تصير

لا عقال حيل ولامجانين

اضن متنسيه بيج براحه البال

امج هالطلعتي بضحكه ترضين

جرف خلكج اشوف بكل الاحوال

مقتنعه بحياتج ماي لو طين؟؟

يحلوه وتذبل من الراس للساس

اذا ماتنحضن حظنه سنادين

دورت الصفات البيج ولكيت

بشر بس يرجع اصلج للبساتين!!

الازرك مو شرط بي نطرد عيون،،

ال على اعيونج يجيب العين للعين؟

مره حتى البجي لايكلج هواي

ونده من العين ع الجام اتبدين

كل القصائد الوجدانيه للشاعر رائد الفريجي هناااااااا
كل القصائد الغزل للشاعر رائد الفريجي هناااااااا