 |
ميثم فالح،انا بغربه وهلي عني بعيدين،
ميثم فالح،انا بغربه وهلي عني بعيدين،
انا بغربه وهلي عني بعيدينشعجب من دونهم عالبال مريت
انا مفتح ابوابي وما يطبون
وانت بلايا باب بعيني طبيت
بعيد وچنت اشوفك مثل العيون
واقرب من سواد العين حسيت
تنگل صورتك تدري العصافير
يصفطنك بعيني لون حنيت
طرت حد ما تلاشت صورة الگاع
وشفت وجهك سمه وگباله صليت
بس گلي شگطع خاطر انساك
دشوف شكم كلب من صدري جريت
اخلي بخاطرك من چنت الاگيك
وانت بخاطري ما يوم خليت
گلي الخالقك كم نسخه سواك
شو يابيت اطبه الگاك بالبيت
تره انه گد متولعت بيك
جن وتلبست بعضاي شكيت
جابولي اليطلع يگدر الجان
غلط طلعني انه وانته ضليت
اضيع روحيي عنك وانصدم بيك
واندلك وگولن ما اندليت
يا اطول درب بعيون عطشان
بيك شچم جدم تعبان گصيت
لتذبهن حرز خليهن وياك
تعثر لو حرف من اسمي ذبيت
مو انته سمه وجنحانك اثگال
عله اليبسن اغصانه شلون حطيت
اسمي وداعت اسمك لايك اعليك
وانا باسمك يبعد اسمي تسميت
يطشرني عله وجهي فراگك الموت
وبس تصيح باسمي ردود رديت
اذا حبيت غيري مشتبه بيه
لان عبالك انه يجوز ضنيت
مدري يجوز صارت وانه غلطان
ما ادري متت بس عدل حسيت
لان لو عدل انه شلون اطب ليك
وكل اهلك ولا شافوني بالبيت
اذن ميت حبيبك وانته عريس
والك اخر قصيده اليوم زفيت
عهد من عندي بعدك للعشك ثوب
عله جلد الگلب ما يوم حطيت