 |
| الشاعر نائل المظفر,على كل حال |
الشاعر نائل المظفر,على كل حال
الشاعر نائل المظفر,على كل حال
على كل حال نحمد الله يا صاح
ولو عل فات دم تبجي الهواجس
عگب ذيج المضايف والدواوين
تصير بيوتنه صفوف المدارس ؟
فرشناهن كتب ماعدنه حصران
وترسناهن شعر لحد ينافس
گصه ويانه الوكت ماخله كنتور
بالرحلات سفطنه الملابس
يلوم المادره بعلتنه عباس
وتبجينه الملامه وشنهي الاسباب
تركنه الجامعات واحنه شبان
وگعدنه بصف الاول وحنه شيااااب
يحاربنه الشته وما بيدنه سلاح
ونحير نصد برد لو ننفض تراب
على الشباج لزكنه القراءأت
وطلع رمح البرد من ضهر الكتاب
تخاف الناس من سرب الخفافيش
لان كلما تطير احبابها تنام
وانه وجاري نخاف من العصافير
لان كلما تحط يشكك الجام
بين اهل المدارس ماكو اسرار
ما اضم اعلى جاري ولا علي ضام
اضم شلون سري اعلى الجوارين
اذا جيراني يسمع حتى الاحلام
يعباس الصفوف بليه بيبان
ونخاف اعلى الشرف من عين الاجناب
على الصبوره نكتب باب مو دار
حتى نشيلها ونلزگها عالباب
گبل بيت اهلي عنده تبات البيوت
گبل بيبانه معزبات الاصحاب
گبل ديوانه محزم بالدلال
گبل ضيف اليجي نفرشله الرگاب
گبل ماضل گبل بعناه يعباس
وگعدنه بمدرسه ولاحگنه طلاب
حصار الضيم طكنه وبعنه البيوت
عساها بخت كلمن صار الاسباب