محسن الموسوي انتي عفتيني والف واحد لگاج, ازكيني طيف لخاطر الذبلن عليك
انتي عفتيني والف واحد لگاج
وبعدج لهسة ولا لاگيني
مدري وين اتعنه من اشتاگ الج
بغير دربج عمية تصبح عيني
صرت اروح ابعيد مادري واروح
بس اريد اي سالفة تلهيني
المشكلة اندلج لچن صعبه من اجيج
ادري بيج هناك وتفشليني
كتلج الله يحاسبج مو كافي ليش
بهذا عمري ودومج تبچيني
الناس تمشي ودوم عكس الناس اروح
عود اكولن بلكت تلاگيني
عبرت جيلي واجه الجيل الوراه
وانت لا جيتي ولا شفتيني
بيت كاتبلج ضعيف بمستواه
ارد اشيلة وگلبي ماينطيني
چي الج حبيته خليته بأمان
وانتي من عمرج شلع شلتيني
ازكيني طيف لخاطر الذبلن عليك
الما بعد يحلن ولا يحلالهن
المابعد بيهن ضوة واشجم عزيز
فكلي شباج الهلا وصاحالهن
وهنة هنة مكدرات مسلهمات
كبالهن غيرك وانت ابالهن
معلمات اعلة البجي وشيل الجفوف
يل البعيد شوكت تدنالهن
ياحلاتي وغايتي وعمري الطويل
بدونك ايامي شنو شيسوالهن
خيم وبصحرة وعفتهن بايدات
من اشدهن خاف اكطع احبالهن
كبل بيهن جنت اكابر هسة وين
وداعتك عيونك فراكك ذالهن
عيونك الخذلني من مر بية عيد
كون الزمك هسة وابچي اكبالهن
كون اكف مناشغي بحظنك واطيب
والحك اعلة الباقي من وشالهن
لاح الثلاثين عمري ومانسيت
ولو اندل بيبانك اتعنالهن
ياهواك شكبرة محتل السنين
للابد كتلك وشوف الگالهن
يمرن اكبالي ويفز بية هواك
ولا نسيتك لا غوتني افعالهن
ياقساوة گلبك وگلبي الرجيج
ياهو والم بالبداية احوالهن
ياهو حط عيونك بعيني ويقيت
من هذيج الساعة وارجة وصالهن
كلها تطفه ويبقى وجهك بالخيال
ياملامح وجهك وشحوالهن
تبتسم لو ضاكن ايامك وراي ؟
انة بعدك ماصفتلي احوالهن
كل القصائد الوجدانيه محسن الموسوي هنااااااا
كل القصائد الغزل محسن الموسوي هنااااااا
كل القصائد الوطنيه محسن الموسوي هنااااااا
كل القصائد الرثاء محسن الموسوي هنااااااا
كل القصائد الحسينيه محسن الموسوي هنااااااا