 |
| محسن الموسوي حسبالي الاوجوه الحلوة متجذب, همزين الحلم بس اني اشوفة |
محسن الموسوي حسبالي الاوجوه الحلوة متجذب,
حسبالي الاوجوه الحلوة متجذب
وحسبالي اليحب الناس يلگة الناس هم تحب
اي وانته الحجي وياك
ولوما انته مااكتب
عاتبتك على سنيني الكظن وياك
شجاك وشو رحت زعلان من فاض الحچي بروحي
وتدري انت اليحب يعتب
وانسد بابك بوجهي وفشل رديت
جذبة امشي اعلة طولي اتحذر من الناس
بس بالروح احس چم شايب محدب
ولهسة وماعرفت شلون اكظ گلبي
امنعة ومايرد بجروحك مچلب
وكتلة اهواي
يمعود كرامة روحي ، عيب الناس
وگلي اللي يحب لذني ميحسّب
ولا انته الك رداد
ولاگلبي عليه نسمة ندامة تهب
القهر ياكل بروحي شوكت مالاكيك
ناسي وتضحك وي ناس
وبس تصدلي رأساً وجهك يغنتب
ولاموني عليك اهواي
بس ظليت تحلالي
ردت اتباهة بيك ورخصوك الناس
مايدرون بحوالي
الهوى بس عاليهومش بالنهر غالي
وي غيرك كعدت اهواي لكن الله شاهد وجهك ابالي
ولا لهتني لذة لغيرك وطفيت كل المشتهة بروحي وظلت ماطفت لذتك
وعلي صدت عيون اهواي
وماطحت بهواهن وانتظر جيتك
وولا خنتك
عفتني وشجرة التفاح ماغرتني جي ضگتك
يما تدري
عگبك ما تفض خنكة الروح بكاس
ولا وجدت صاحب يفتهم سري
وغفت كلها وكرهت الليل
اشكد بية فراغ ومختنگ صدري
وبجيت وانت ماتدري
تفكير وسهر وايام مرت وانت ماتدري
بعذابك ملتهي وغرب ضعن عمري
الي عشرة عمر وياك بالطيف
يل ماتعلم بحالي وظروفة
وچا من اشوكت بيك اني مفضوح
همزين الحلم بس اني اشوفة
ومو من التعب من اغفة مرات
اغمض جفني چي رسمك يطوفة
شاغلني وابد ماحاچي للناس
ماريد الجرح غيرك يروفة
ومن مصارحك گلبي قلق حيل
شما زادت لهفته يزيد خوفة
سكته اشتاگلك واحتار بالليل
وبرد هذا الشتة محضر سيوفة
ويوصل شوگي الك حد دگة الباب
وربك يستر وارجع واعوفة
كل القصائد الوجدانيه للشاعر محسن الموسوي هنااااااا
كل القصائد الغزل للشاعر محسن الموسوي هنااااااا
كل القصائد الوطنيه للشاعر محسن الموسوي هنااااااا
كل القصائد الرثاء للشاعر محسن الموسوي هنااااااا
كل القصائد الحسينيه للشاعر محسن الموسوي هنااااااا