عصام كريم ويه كل جرت نفس
ويه كل جرت نفس يعرض هواك... وجهك بكل سالفه يلاكيني
اضحك بنيت بجي وكل صفنه اموت...ونت تضحك نيتك تبجيني
نزل تلفان الدمع لمن بجيت...من كثر ما حابسه بنص عيني
تجفي ودير الوجه وضل عزيز...نفس اذيتك يمي ومجافيني
انت منشار يتمرجح علضلوع....بروحتك وبجيتك تئذيني
السهر يمشي بواهسه وليلك طويل....وماكو شي منك حلو يواسيني
نااااام نوم العافيه بس خل انام...اغفه وطيوفك تجي تصحيني
يل تروك بصدري روك مسودنين...وانه نسمات الهوه تأذيني
فدوه طش حجيك علي مو اله شوف....بلكي نبرت صوتك اتسليني
جنت تتعمد تئذيني وكول.....اذي حيل المهم ما ناسيني
وجنت تاخذني مندي مثل الضرير...بحجيك السابع سمه توديني
ادكلي احبك وقتنع بيها وطير....منلفرح ولكون ميكفيني
هسه اجيت بطرك ذيج الذكريات...وضايكه الدنيا الوسيعه بعيني
وصه بلمفطوم سنتين ال اله ....ليش فاطمني كبل سنتيني