 |
| عصام كريم شوف الفرق |
عصام كريم شوف الفرق
فدعوه يهذي ما يشاء
قد علمتني رجولتي
ان لا اردُ على النساء
ان ضن اني خصمهو
فلامر اكبر من غباء
بعدُ المسافةِ بيننا
كه جهنماًً والانبياء
اسباب موتي تعددت
وانا على قيد الوفاء
تلك القصيدة قد نمت
والان قد وجب الهجاء
سهله الحجي الوجه بوجه
واحترم صدكه وجذبه
وحته الحجه بضهر سهل
لو جان من الغربه
وتخيل انت شكد صعب
من ينحجي بضهرك جذب
لا ولتكتلك تلتفت
بس هيه كلمن معدنه
وكل بشر يعرف ذنبه
بيناتنه جان الفرق
اني العلي ادفع ثمن
وانت الذنب ترتكبه
تجرحني بس المع ذهب
كل بشر لمن ينجرح
يطلع شضام ابكلبه
رخيتلك بيدي الحبل
بس انته حبل المشنقه
لفيته فوك الركبه
شوف الفرق
اني الجبت عمري تعب
والقهر كله مجربه
وافيت بلحب ونخنت
وسويت خير وما شفت
كل خير من الصحبه
فوك اهلي راباني الوكت
اذاني بس اتعلمت
وين انت لمن فتحت
موجود كلشي اطلبه
ما خلو بنفسك حلم
من فتحت عينك نجم
ما لحكت تتربه
ما دام كل واحد عرف
تاريخه يكفيني شرف
كلمن يروح بدربه
لا خوف هذا ولا ضعف
واكدر ارجعها ضعف
وتعرف علي مو صعبه
بس شكبره لو جنت
تكدر تاذيلك شخص
وتعوفه هوه وربه