 |
| شلونك يالكيسرت ضهورنه اشلونك |
سعد شميل شلونك
شلونك يالكيسرت ضهورنه اشلونك
بعدها خوانك شما تكعد على زاد
عين الصورتك عين على ماعونك
وبوك يصد على التابوت وياحجيك
بويه وداعت عيونك
ثلث مرات ربعك يبني من رفعوك
تذكرت من الاعب بيك
وكلت هسه اكبرت ربعك يلعبونك
وخواتك مايلطمن كبل بس لحسين
وهسه زنودهن مثل السمه بدونك
وانه ابدونك
جثه مثكله وطايح ابطن الهور
والمردي غفل حط بالظلوع الجاز
مسح وشمك البصدري وردت عونك
صفه لونين وجهي من النكاب عليك
ويتبريد الساني شما يذكرونك
ومك كشفت تابوتك ونشغت
ماهمنها الصوابات
همها من الحماله مزلغه متونك
وتكلك موش تنسانه
هدومك هنه هنه الهسه بالكنتور
موش احنه النذب هدوم موتانه
بوصيتك ليش كاتب يهلي اعذروني
شنو تقصيرك ويانه
نعاوي امك نهر مغظب
وحنه جروف
تعبانه
من فات نعشك عرفته اروح
من مي وجنتك ناكع الوح
يافاجده المثل امك اتنوح
كلفه الورد لوًمات مذبوح
ومن كون ناوي الهجر بسكوت
جا ليش ماوصيتنه انموت
ردتك الموتي تصير زاتوت
يانجمه يل مابالعك حوت
يالغربت يفياي سدره
ثالث سنة مببله الغتره
ابن امك المكسور ضهره
لوشاف هده تخنكه عبره
ثكل نوم لوكلبك نسانه
كل القصائد الحسينية للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الوطنيه للشاعر سعد شميل هناااا
كل القصائد الرثاء للشاعر سعد شميل هناااا
القاء مع رائد ابو فتيان في هيل وليل هناااا
القاء مع مهند العزاوي شهكة عشك : هنااااا
القاء مع الشاعر رفعت الصافي كعده من العمر هناااا