 |
| الشاعر سعد شميل ماشفتك بعركه سيف عد درويش |
الشاعر سعد شميل ماشفتك بعركه سيف عد درويش
اطك صويحبك ماطاكلك هامه
اشعلك عود اريدك تضوي بين الناس
وتطفه بساع نار بكوس الحجامه
وطفو لمن اطيح الناس تشمت بيك
وانه اول واحد يبللك ابهامه
وتعصرني وتريد انكسر بس ماضيع
هاي اتضيفيلي وترفعني للهامه
مابين اذا امانعصر شريان
وما اجرح اذا مانكسر جامه
وخاف ابالك افتر ضعف لو تعبان
بكرة ورور وتفتر بالمرامه
اتفقنه اثنينه نعبر الذاك الصوب
اواحد كبل الاخر زير احزامه
الجرف كبلك وصلته ويبسن ومليت
رغم انه بسبح وانته على البلامه
وحجيك لا ياثر لا لثك خامه
شايل گلب اخر عود بالشخاط
كل ربعه وهله محتركه جدامه
تحشمني ورد اكوامه بكوامه
موش انه البطه وتتراجف جدامه
وحشمك صح تجي بس تسحل برجليك
مثل الكايدينه الخشبة اعدامه
الشاعر سعد شميل مثل فيك مالكيت
مثل فيك مالكيت الهسه في
مهرتك ركضت وانه بمكفاها عي
جنت ماعرف الندم مثل الصليب
عل خواصر عمري مامديت ادي
يكوم حته الشات يسحگها ويفوت
يساعد الله الساجيه المابيها مي
روحي جن روجة رمل بصحرة ذيج
لاجرف ردني ولاكضاني شي
انه عيدية طفل ماذر يتيم
ينام وانه بجفه خاوي ومطوي طي
وج البصدري وبعد ياضلمه اخاف
كمت افوتن للكهف مابيدي ض
حزني جن ساعة رمل وانه الغشيم
شما اكولن وشلت ترجع علي
وكلي ابوي الفشله مو للزلمه عيب
هاك اخذ طبعي وتعلم يالصبي
جي يرد فشلان اليزت العزيز
مارحت زاتوت حته بنعش اخي
وموش كلمن يندفن معناها مات
خرزة يدفني الجلد بس ابقه حي
حنطه لاخشنت خاطر لابخيل
من اجه المرواح اخذ هدمي العلي
الخوره لفتني وانه اتلفت عليك
ارضه شوچ بسعفتك بس مدها لي
صبخه يابس والملح صاير غطاي
ومن اكض اصورك الكه بعيني ري
كل القصائد الحسينية للشاعر سعد شميل هناااا
كل القصائد الوطنيه للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الرثاء للشاعر سعد شميل هناااا
القاء مع رائد ابو فتيان في هيل وليل هناااا
القاء مع مهند العزاوي شهكة عشك : هنااااا
القاء مع الشاعر رفعت الصافي كعده من العمر هناااا