لشاعر سمير صبيح عونك ياوطن, رثاء جبار رشيد
عونك ياوطن
عونك ياوطن يابو الحضارات
احضنك لو جنت كلك سجاجين
اريد احجي و منهو يصدك هالخرافات
يابو الخير ليش اتفيض خيرات
على الجيران وعيالك مساكين
حيطانك صفت بس للشعارات
هواي الاحزاب وشوية الحياطين
بينك والعرب قست المسافات
مثل بعد النبي عن الشياطين
العروبة العروبة و هالتفاهات
حدر جدمك اقدمهم قرابين
واحوك الجامعه لجدمك نعالات
واشدن من عمرو موسى القياطين
لامونه كبل ماثرنه عالطاغوت
ويطعنونه وماراعوا مشاعر
واحنه بكل فرع مزروع حقل الغام
وبين الباب و الشارع سواتر
اغيره ابيش اغيره بيا شعب تعبان
باليجدون بالباعو جكاير
اغيره ابيش اغيره و انت اتلوم
باليصفكون بالباعوا الضماير
موبس الارض تلكون بيه قبور
احفروا بالكلب توجد مقابر
اليكلي عجل والكاه يحب صدام
احكمه اعدام رميا بالقنادر
لك حبي سوالف على السلاطين
رثاء جبار رشيد
نزل منها
نزل منها وربطها ورجع السيف
وي سيفه التعب رجعو للغماد
وخذ جرحه الغميج ويا من راح
ولا طخ راس مره ورادله اضماد
الزمان يدك عليها وتحضن الكاع
بس جبار يشبه حال الوتاد
تره الما جارحك ويغرب ابعيد
جنه مكابلك ويده عللزناد
لاهو الكاتلك ومغرب ويا
وشيحلك وخذ مفتاح الصفاد
المات وما مخلف يعتبر مات
وشعر شال اسمك صار الولاد
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه هناااااااا
كل قصائد الشاعر سمير صبيح هجاء هنااااااا