 |
| عامر العيثاوي رثاء علي رشم,الحمد ﻟﻠﻪ ﺍﻛﺘﻔﻴﺖ, |
عامر العيثاوي رثاء علي رشم,الحمد ﻟﻠﻪ ﺍﻛﺘﻔﻴﺖ,
عامر العيثاوي
بس اصبري,
الحمد ﻟﻠﻪ ﺍﻛﺘﻔﻴﺖ ﺑﻘﻠﺔ ﺍﻟﻤﻮﺟﻮﺩ
ﻫﻢ ﻧﻌﻤﺔ ﺍﻟﻘﻨﺎﻋﺔ ﻣﺴﻜﺘﺔ ﺿﻨﻮﻧﻲ
ﺧﻞ ﺗﻔﺮﻍ ﺍﻟﺪﻧﻴﺎ
ﻋﻴﻮﻧﻲ ﻣﺘﺮﻭﺳﺎﺕ
ﻭﻻ ﺗﻨﺘﺮﺱ ﺩﻧﻴﺎ ﻭﻓﺎﺭﻏﺔ ﻋﻴﻮﻧﻲ
ﻋﺸﺖ ﻋﻤﺮﻱ ﻭﻛﻀﻴﺘﺔ ﻭﻗﺎﻧﻊ ﻭﻣﺮﺗﺎﺡ
ﺷﺮﻳﺪ ﺍﻛﺜﺮ ﻛﻀﻴﺘﺔ ﻭﻳﺔ ﺍﻟﻴﺤﺒﻮﻧﻲ
ﺍﻟﻨﺎﺱ ﺍﻟﻮﺍﺻﻠﺘﻬﻢ ﺛﻤﺮ ﺑﻴﻬﻢ ﺧﻴﺮ
ﺍﻫﻢ ﺑﻠﺴﺎﻧﻬﻢ ﻟﻠﻨﺎﺱ ﻭﺻﻠﻮﻧﻲ
ﻭﻧﺎﺱ ﺍﻟﻤﻨﻲ ﻭﺻﻠﻮ ﻭﺍﻟﻨﺴﻮﻧﻲ ﺑﺴﺎﻉ
ﻋﻨﺪﻱ ﺍﻟﻤﻬﻢ ﻭﺻﻠﻮ ﺧﻠﻲ ﻳﻨﺴﻮﻧﻲ
ﺍﻝ ﻋﻠﻰ ﻣﺘﻮﻧﻲ ﺻﻌﺪ ﻟﺤﺪ ﻳﻠﻮﻣﻪ ﺑﻴﻮﻡ
ﻣﺎﺑﻲ ﺻﻮﺝ ﺁﻧﺔ ﺍﻟﻨﺎﺫﺭ ﻣﺘﻮﻧﻲ
ﻣﻦ ﺣﺒﻲ ﻟﻀﻤﻴﺮﻱ ﺟﻨﺖ ﺍﺣﺐ ﺍﻟﻨﺎﺱ
ﻭﻣﺎﻓﻜﺮ ﺍﻻﺣﺒﻬﻢ ﻣﺎﻳﺤﺒﻮﻧﻲ
ﻟﻜﻮ ﻋﺒﺮﺕ ﻧﻬﺮ
ﺣﻴﻞ ﻭﺟﺴﺮ ﻳﻨﺮﺍﺩ
ﻧﻜﺖ ﺑﻴﻬﻢ ﺍﻟﺤﻴﻞ ﻭﺟﺴﺮ ﺷﺎﻓﻮﻧﻲ
ﺍﻭﺩﻉ ﺑﻠﻌﺒﺮ ﻭﺍﺗﻨﺔ ﺍﻟﺒﻌﺪ ﻣﺎﺟﺎﻱ
ﻭﺍﻛﻮﻟﻦ ﻋﺒﺮﺕ ﻣﺎﻛﻮﻝ ﺩﺍﺳﻮﻧﻲ
ﻋﻠﻰ ﻗﻤﺔ ﺷﺮﻑ ﺭﺍﻳﺔ ﺍﻧﺤﺴﺐ ﻋﻠﻴﺖ
ﻣﻮ ﺣﺴﺒﺖ ﻣﺠﺮﺩ ﺟﺴﺮ ﻋﺒﺮﻭﻧﻲ
ﺍﻟﻤﺎ ﻋﺎﻳﺶ ﺷﻤﻮﺥ ﺍﻟﺘﻀﺤﻴﺔ ﺧﺴﺮﺍﻥ
ﻭﻓﺮﻕ ﺑﻴﻦ ﺁﻧﺔ ﺍﺿﺤﻲ ﻭﺑﻴﻦ ﺿﺤﻮﻧﻲ
ﺟﺒﺖ ﻋﻤﺮﻱ ﺛﻜﻴﻞ ﻭﻋﺎﻟﻲ ﻣﺜﻞ ﺍﻟﻐﻴﻢ
ﺑﺤﻀﺎﻧﻲ ﻧﻬﺮ ﻭﺑﺴﻤﺎ ﻳﻠﻜﻮﻧﻲ
ﻭﺗﻀﻞ ﻣﻨﺬﻭﺭﺓ ﺭﻭﺣﻲ ﺷﻮﻛﺖ ﻣﻴﻌﻄﺸﻮﻥ
ﺍﻋﺼﺮ ﺭﻭﺣﻲ ﻭﺍﻧﻄﻴﻬﻢ ﻳﺸﺮﺑﻮﻧﻲ
ﺍﻧﺔ ﺍﻟﻌﻤﺖ ﻋﻠﻲ ﻃﻴﺒﺖ ﻛﻠﺐ ﻭﻟﺴﺎﻥ
ﻃﺒﻴﻌﻲ ﻫﻮﺍﻱ ﻋﺎﻟﻢ ﻣﺎﻳﺼﺪﻛﻮﻧﻲ
ﺟﻨﺖ ﻭﻳﺔ ﺍﻟﺸﻤﺎﺗﺔ ﺍﺭﻓﻊ ﺍﺩﻱ ﻣﺮﺍﺕ
ﻋﻠﻴﻬﻢ ﻳﻨﻜﺴﺮ ﻛﻠﺒﻲ ﻭﻳﺄﺫﻭﻧﻲ
ﻃﻴﺤﻨﻲ ﻳﺮﺑﻲ ﻭﺧﻠﻲ ﻳﺮﺗﺎﺣﻮﻥ
ﺧﻄﻴﺔ ﺍﻣﻨﻴﺘﻬﻢ ﻃﺎﻳﺢ ﻳﺸﻮﻓﻮﻧﻲ
ﻟﻮﻧﻲ ﻣﻦ ﺍﻟﻠﻪ ﻫﺎﺫ
ﺍﻟﺮﺍﺩﻭ ﻳﻘﻠﺪﻭﻩ
ﺷﻜﺪ ﺧﺒﻄﻮ ﺍﻟﻮﺍﻥ
ﻭﻣﺎﻃﻠﻊ ﻟﻮﻧﻲ
ومارضت روحي
المشة ماخذ صبرهة
من مشة ب نية
ورا طشيت ماي
ومن مشة لله
ورا طشيت كاع الله بكبرهة
...............................
من يمك هنيئا والشهادة تلوك
ولو بعدك زغير والحياه حلوة
بس الناس ع المايسوة جاي تموت
واقل مابيهه جانت موتتك تسوة
من يمك هنيئا لجن يمنة شلون
شتصبرنة ال هنيئا روحتك بلوة
من كدما دعينة مأمنين تكوم
بحيث بدفنتك ونكول مو هوة
لجرف الصخر فدوة شلون اكول عليك
جرفين العراق تروحلك فدوة
يافدوة علي ومن علي بيك هواي
انسانيته واسمه وغيرته وصفوة
الشعب باهل المنابر تقتدي مرات
وكون اهل المنابر تاخذك قدوة
يرفعة راسنة يم الحجو ب الثار
يبو حجي اﻻصيل الماعرف هفوة
اليحبه الله يخيره بموتته بلكيف
يل بكيفك متت وشلون ماتهوة
يل مبخوت
علمني ارد اشوفن كلشي بية يعيش
بس الخوف بية يموت
علمني ارد احطهه وماعرفت شلون
يل تعرف تحط الروح ب التابوت
فرق ب العاش يوم وصرخ ب اﻻجيال
عن العاش مية تختل وبسكوت
كل الناس تركض صوب عزرائيل
هنياله العرف من ياطريق يفوت