 |
عصام كريم قصائد وجدانيه
عصام كريم مو موطني المقصود
التفاصيل
تاريخ الكتابه 2018
القصيده من وزن التجليبه
مشاهده على اليوت يوب هنااااااا
عصام كريم امشي اني واحد ما عرفه
امشي اني واحد ماعرفه ..وجانت للتحرير النيه
سولفنه هواي وحبيته..حسيته هواي هتم بيه
مبين جاي منلعماله..وخلصانه مبينه اليوميه
شعره وكلبه ونيته يشبهن..لون الرايات السلميه
مو صاحب حسيته اسلاح..كل ما شوفه ابصفي ارتاح
مابين يجاوب واني اسال ..صارت ركضه وصار صياح
واحد من الركضو طاح ..وثاني بصفه وثالث طاح
واحد صاح استشهد حيدر.واحد عمر استشهد صاح
اثبت كلي ولا تتحرك..يبني اليتحرك يلاح
كتله منين اليرمي اتعرفه ..كال اندل وعرف ماضيه
شلون اغلط بي يبني وهوه..ثمن اسنين يقاتل بيه
بعده
يبني تراب الكاع انباع..الحك تعبي وتعبك ضاع
يبني ودم الناس الفقره.. ابذمتي وذمتكم يسباع
شويه وكض كلبه وصاح اخ..وطاح وسد اعيونه ابساع
وبلل جف ايده منصوابه .وضل يكتب بلدم علكاع
ومابين الحب والوحشيه
ما بين الذل والحريه
يربط جسر الجمهوريه
خليته على جتافي وشلته..مات وما كمل سالفته
القصيده على اليوتيوب هنااااااا
عصام كريم صباح الخير يم دجله
صباح الخير يم دجله
صباحج وطن بيد اهله
رغم كل التعب بغداد
كلشي البيج اشوفه احله
هذا الجسر والدخان
احسها رموشج وكحله
ونوارس دجله مصطفات
وكفن درع لليعبر
وقسم رسمن هلال احمر
سعاف الطايح اتنقله
وشباب زغار مفتهمين
مو للدين دم حسين
كل الكوكوب اتشمله
ومشهد واعي بلتحرير
شعب شايل علم بيده
وتحيه الجيش ماخذله
سلمين بين الموت
غفو يونس ابطن الحوت
افه يم العراقين رد الوطن بيد اهله
كلشي البيج اشوفه احله
حته ام الشهيد اليوم
شفتها وياج محتفله
صار سنين صبولج صبر ايوب
ومشتاكين يوسف والوطن يعكوب
رفعولج صليب وخوف بي مصلوب
ولدج ذبو القمصان وجم عابس فكد عقله
وجون وعيسى اجوج انصار
عمر لازم ضهر الكرار
وفوك المطعم التركي لكيت ازغار
رسمولج حمامه وعنكبوت وغار
سلمين بس ثوار
واحدهم نبي ابراهيم طب للنار
جبل كتبو احد يمه شعب واحد
خذوها الخطه من خالد
وطن فوك الجبل صاعد
كلب واحد غنائم بعد متنزله
كلشي البيج اشوفه احله
صباح الخير للبصره
للمعزلين والفقره
صباحج مثل ما تردين
احلفج بيش لتسكتين
وعرفح ياخشم سمره
الاعور كله اعور مو كريم العين
من جسر الكزيزه الساحة التحرير جاي اسمع عطه يقره
كوّة الله حيلك ياوطن ..من ياهي جرحك يلتم
بين الحرامي وطاغيه...تنزف جنت نفط ودم
خير انت وترابك ذهب
بس الله باليك بشعب...بس للغريب امحزم
مو بيك لا بينه الغلط..تبني انتَ واحنه انهدّم
لو نعرف انحل مشكله
چا هسه ما عدنه ارمله..ولا طفل بيك اتيتم
بس احنه ما عدنه عقل
سلمنه خيرك للقَبل....يوصل حدودك يحلم
تراجعنه من دون البشر
من كثر ما نتكفه شر
كدامنه نكتب خطر...ونخاف ما نتقدم
نبتسم ونضم الدمع
وجهين نحجي ونستمع..لو خطب بينه ملثم
شلون الله يرحمنه بعد..واحنه البشر ما نرحم
بلناس ما ضلت ثقه
عدنا الجوامع تفرقه...وبكاس واحد ننلتم
ينقتل قائد بلحرب .. نبچيله حد ما نعمه
ونفديه ب100 زلمه ..
بس شعب كامل ينقتل نكتفي ب الله يرحمه
نصووووص 👇🏻👇🏻👇🏻
عصام كريم سلاماً ياوطن
دفعنالك شباب ابلا مقابل
وكتبنالك على ضلو تنازل
ومن وزعو دمك عال قبائل
.شعب كامل ركض بفراشك أيبات
اصبر يا وطن سهله
النوارس راجعه الدجله
عراق وجرحك يقويك
ومن تتعب تصير احله
اشوفك مبسم رغم المعانات
سلاماً ياجرح يضحك لليام ..سلام لكل نبي بترابك ينام
خلينه على عمرك من عمرنه
ومليناها الشوارع من صورنه
جنه يتام وبحضنك كبرنه..ولدنه التكبر اتخلفك ايتام
صبح يوميه نجدد
نومت ودمنه ما يبرد
ترابك كل شبر يباس
ربك فوكه حطلك خد
سلاماً يا وطن قبل الحضارات
الحان واداء :- مصطفى الربيعي
كلمات :- الشاعر عصام كريم
توزيع :- حسام الدين
الاغنيه تغنت من نجوم واصوات عديدة
هناااااااا ابرز الاصوات
سلمتك اسلاح وكتلك احميني
وصل بيك الضلم بسلاحي ترميني
من تشتد تضم راسك.
وتعين الغربه ظد ناسك
وتخصص رواتب للياذيني
ونه الحد ما متت ما صدر تعيني
غلطت عمري وياك..اطيتك مره صوتي
بيدي من نتخبتك.. وقعت على موتي
حقي وتعبي وياك...ضيعته بسكوتي
مو كرسي وزارات.. اطلبك دم اخوتي
خلص عمر الرصاص الحي .. برد بس دمنه ما يبرد
ابوجه ابيض رسمنه المات ..صوره وبيها خط اسود
عمر بيدي الورد يذبل ... وبيدك ماي
كل ما انتفظ سلميه اكلك هاي
يل تعرفني شراني
واني الغيره عنواني
انه المحترك مايك ما يطفيني
ولا غاز القنابل اثر بعيني
بس بجاني وياك --هذا الوطن وهله
صعبه الناس التموت-- وانت ادكول سهله
كافي مو وكت موت -- ذاك الوكت وله
ما نسكت على الصار --وداعت ماي دجله
الحان واداء -- مروان هاشم
كلمات الشاعر عصام كريم
توزيع :- احمد الفكيكي
قصيدة 40 قيامه تاريخ العراق في 40 عام
اضغط هناااااا