فاضل حسن للامام المهدي4 قصائد ع النهر والليل + فنّة الزمن +ارحم عذابي +كالو شكو
سكتات الكلب حتى اسمك يفوت
يدافي بلا رماد منين نارك
يامهدي أبتعد واركض الذكراك
ولِم بجفوفي أثر بالطيف زارك
أفُر جدم الأثر واتخيلك جاي
ومد ايدي اعله ضلك ونتبارك
صدك غايب لجن عن هاي العيون
الماتوصل وصايف يم سمارك
يبو رسم الضوه يمذوّب الليل
جيب الشمس بيها ارسم نهارك
شنوصيك ونته الربنه وصاك
ها خلّي الظلم يسمع شعارك
شنكلك تعال وكلشي مو ذاك
يابس عودنه ايعطّش خضارك
إجيت ابّال جرحي النوّم الليل
وصار إجماع لجماتي اختيارك
يأول من يجي وآخر اليبقون
يجار الينظلم واسيت جارك
إخذ من خلكي كد مايرهم وياك
وخذ من عمري كله اليوم ملكاك
يغركني البعد واتنفس هواك
أنه شنهو الكدرته وأكدر أنساك
شسوي الغيّبتك لمّت عليه الليل
أتلمَس هواك أو أمشي بالشارع
كمت اسأل على كل معنى إسمك بيه
بلكت شاف إسمك بلكي بي سامع
المؤذن لو أسمعه مو بوكت آذان
بعماي أركض وصيحن كلبي أنا الضايع
لونه بلون دمعي وطوله حد الموت
أخَذ ويّاه عمري وكال هالراجع
إذا مَر بصفنتي وآنه يم الناس
أختل بي وكلهم لحّد يباوع
أخلّي كبال حلمي جفوني ليشوفون
ودثّر راسي خافن صوت اله طالع
شسوي الغيّبتك لمّت عليه الليل
أتلمَس هواك أو أمشي بالشارع
قصيدة فنّة الزمن للامام المهدي ع
الشاعر فاضل حسن ارحم عذابي
يٰوكتي شبيك ما ترحم عذابي
أحچي وياي لتخليها سكته
ميت بالجذب عايش حياتي
مدري شلون وبعمري انتظرته
بالك يمي حاچيني
بمكانه بگلبه دليني
اريد المهدي محتاجه
ضاگت دنيتي بعيني
انا سامع مثل كلشي حلو بوكته
وبيه شايف حلم والدنيا بايگته
و لامره صدگ مرتاح بالي
ولا حتى بچذب اصنعلي فرحه
عمري ما حسدت الگلبه خالي
الميت گلبه اصلاً ما اجرحه
يٰدنيا براحتج روحي
ما محتار بجروحي
شيعي وگلبي ع العالم
وكلها تصيح ياروحي
انا شابع دمع وعيوني عاشگته
عايف راحتي و الامل ماعفته
الشاعر فاضل حسن كالو شكو
كالو شكو جمعة خير كلنه الفرح مر بينه
يوم انولد مهدينة كالو شكو جمعة خير
كالو معاجز متصير شكد عمرنه سنينه
كلنة احنة منتظرينه كالو معاجز متصير
كالو علينه وما حجو ويانة يردون فرحة عيونهم حزنانه
سمعون مو صفكة حزن بجفوفي مو اه واحدنه الهله بلسانه
مو سالفة مو تنظير بيه النبي موصينه مثل الهوى منتظرينه
شوية النهر وقت الصيف بس القلوف تطوفه
والكمر فوق نشوفه شوية نهر وقت الصيف
وعيونه مرايه وطيف ما الها ظنه تعوفه
غركان صوت جفوفه وعيونه مرايه وطيف
بعيوني ما تقعد جبيره احلامي صفنه على صفنه تصطرن كدامي
بلساني ما توكع يمهدي حروفك خل عمري يرجف خل تطيح ايامي
من اهل انتظارك مو ظيف خليهم يكتبوني صفناتي كحل عيوني
ياليل مو بعدك ليل هي الشمس بعيونك
بالضوى يوكع لونك ياليل مو بعدك ليل
ياقلبي كيفك دك حيل انكت غبار جروحك
كم فرحة فاتت روحك ياقلبي كيفك دك حيل
هيجي الفرح هلكد حنين ودافي
تصير ابتسامة لبسملة اجفافي
وبيوم ترجع من بعيد سنينك
الطير على الشبكة يأمن غافي
يامهدي الك مراسيم ودوها بيد احبابك شبع حنين غيابك