سمير صبيح علي صار النهار الليل  انت شنو 

سمير صبيح علي صار النهار الليل  انت شنو 

سمير صبيح علي صار النهار الليل

 علي صار النهار الليل
تاهت كل موازيني
الماي اللي يطفي النار
انا الماي يچويني
لا اگلك ولا تگلي
اگعد واسكت احسلي
يا گلبي
انا بيا عين ادوره الطاح من عيني
وياي وعبريته الليل
نايم وانا اضل واعي
غبشة ومن غلبني النوم
تركني وماخذ امتاعي
واسكت وآكل بروحي
خلاني بطرگ نوحي
اسوي من الرمل شلال
بلكي الشوف يرويني
فراشات وورد وطيور
تشوفك لهفتي وشوفي
وصحراء وعطش ورمال
تشوفك عزتي وخوفي
شجاني وصدگت بالشوف
شجاني وچذبيت الخوف
شجاني وأمنت بالشوگ
چان الشوگ عاميني

سمير صبيح انت شنو

انت شنو من بشر  ما عايش الواقع
بريحك تروح وتجي شتاخذ من الصخر
بس رايح وراجع 
المي إذا مامشىيكرهه حتى العطش
معقولة ماسامع!؟
لو احطك وية الكحل يمك يبين گطن
عيون عدها الخلگ شتباوع، تباوع
العلگة التعل الشجر كلش خضارك حلو
بس ضار مو نافع
رحلة حياتك شتة ولا نار اكو ولا شمس
وبذلتك ناگع
ارسم لغيرك أثر وعيش البقى من العمر
متبوع مو تابع
كلش ولا تنذكر للثالث وتنسي
ماتعبر السابع
كلها حچاها الحرگ ياهو اليصدگ الحچي
لو گلنا بس لاچع
الكاتلني وك ياگلب صعدته يم الغصن
ويدور الواگع

كل قصائد الشاعر سمير صبيح الوطنيه  هناااااااا
كل قصائد الشاعر سمير صبيح الوجدانيه هنااااااا
كل قصائد الشاعر سمير صبيح الوطنيه  هناااااااا
كل قصائد الشاعر سمير صبيح هجاء     هنااااااا
كل قصائد الشاعر سمير صبيح غزل  هنااااااا