 |
| سعد شميل ماحاب عمري |
سعد شميل ماحاب عمري
ماحب عمري
ما حاب عمري ولا مدولب عمري
راكد وهز ايدي النهر من يجري
واگف بچفة اواكفة بچفة الناس
شيصير عد ذاك الجرف مادري
وحبيتها ودوخت صحباني وياي
كلساع لبسي شلونه ؟ طيب عطري ؟
مرايتنه هاي الماندل وين تصير
والله اكثر من اسلاحي هسه بكتري
لو لون وجهي تغير نگول تهون
دهر الدهرها مغيره لوني الشعري
بالموعد انكت روحي جمره بحجري
مثل اليتاني شوكت يكضي الرسام
بس ارد اشوفن روحي يخلص صبري
من طينة ابنياتنه المستورات
من المالحات من العشگهن عذري
جتني بوكت موات شوغة بصدري
من السادة لدكتور حاير بمري
جتني بوكت كاره الدنية وتعبان
واتمنة ما مكطوع حبل السري
مثل اي حطب مالية صوت ومشمور
الناس تسمع صوتي لحضه كسري
وما شايل ايدي على الجنايز بوداع
ملتهيه ادية وجنت لازم ضهري
بس مالت الله تغيرت من حبيت
وعشت الطفولة الماعشتها بزغري
ثاري الفرح مو اله عيشة سلطان
من الكه واحد فكره يشبه فكري
اختصارات
كل القصائد الحسينية للشاعر سعد شميل هناااا
كل القصائد الوجدانيه للشاعر سعد شميل هنااا
كل القصائد الوطنيه للشاعر سعد شميل هناااا
كل القصائد الرثاء للشاعر سعد شميل هناااا