 |
| سجاد صباح اخلق مشكلة |
سجاد صباح اخلق مشكلة
اخلق مشكلة امن الماكو وارتاح
حتى اكتل فراغي امن ارد احلها
عندي الاجوبة بس اني تعبان
اكو اسألة احتاج اني انسألها
امن اسمع ناس عاشت انقهر حيل
امن اسمع ناس ماتت افرحلها
انه متعود ابچي ياله ارتاح
ومن انقهر من ناسي، اضحكلها
من هذا السواد البيه، لتخاف
التجارب تخلق ابنادم مثلها
تره ابشع خسارة من الخسارات
التنسيك الخسارات القبلها
وهو اصعب شعور ايمر بالانسان
من يحجي اويه عالم ساكتلها
دنيا وعادي بيها تعاني من شي
اني المشكلة ماذيتني كلها
اطلع من غرفتي شايل احلام
ومترب حزن من ارجعلها
بنص الماعرفهم راسي مرفوع
بس وكعتني عالم واكفلها
نفس العالم الجنت اركضلها
اتوتر من الحبيتهم حيل
وامل من المحطة الاوصللها
انه من الناس التظم كلشي بالروح
الزعل والمرض متشوفه بشكلها
انه من الناس الماذيتهم الناس
التمدح بالبشر حتى بزعلها
وهيه الروح تدريجياً تموت
من ماتلگه الارواح المثلها
حوار صريح مع الشاعر سجاد صباح هنااااا
كل القصائد الوطنيه للشاعر سجاد صباح هناااااااا
كل القصائد الوجدانيه للشاعر سجاد صباح هناااااا
ل القصائد الحسينيه للشاعر سجاد صباح هنااااااا
كل القصائد الرثاء للشاعر سجاد صباح هناااااااا