 |
| علا ادور الديواني حبر الرسايل |
علا ادور الديواني حبر الرسايل
حبر الرسايل
گتلي انه رايح للحرب بس تگضي ارد واخذك
و الحلوه حسبالي صدك
للباب اصدن محترگ
تانيك وادموعي تكت
دور الثكاله شكد عشت
الله اشايل من گلب!!
رديت من عدها الحرب
مابيك كل شياً ابد
بس كتلي ابد مو صاحبك
الكيت هس توني عرف
حساس واهواية ترف
تفصال راهم بس عليه
وانة اطلعت ما راهمك
چا هيج يتجازه اليحب
شاريك خبزه وبالقحط
گلبي علشوفك شو فحط
ولغيري تصفى فلاحتك
لا والتكتلك من صدك
تسألني شكشخ يا تره؟
وانه الغشيم المادره
بالقوط اگلبللك جنت
ماادري غيري العاجبك
من حومر اخدودي الخجل
گتلك بعد مو مال اضل
گتلي انت صاحب مصلحة
هو اني صوچي معاشرك
ونسيت كل ذاك الحچي
وحبر الرسايل والبچي
وذاك اهتمامي لما حصل
لو اني ادور مصلحة
من ياوكت چا عايفك
يل حاسبك عون وسند
ماتشفي عضة اصبع بعد
ولا يرهم اعتابي الك
شفايتلي لو انه معاتبك
ضم حچيك الگلته الي
گول اهلي اكمل مارضو
ذب صوچك بغيرك وانه
خليني اصدك بالچذب
خليك ذاك انت الوفي
مااريد أحملنك ذنب
ماخذ قرارك من وكت؟
چا ليش تسألني شحب؟
وانه اجمع اصور الحچي
و ابكيفي افسر الگايله
بس هسة صدگ ايست
وحتى الزعل هم عفته
بالعافية اعليك الاجه
ويتهنه بيك الگدته
ولمع صورك للبشر
مو اني گلهم خنته
وامسح احروفي البالشجر
واكتب احروف الردته
وسوي التريده بخاطرك
ماالومك انه وعاذرك
گتلي انه رايح للحرب بس تگضي ارد واخذك