 |
| عصام كريم عدمن تشتكي مكتوبه |
عصام كريم عدمن تشتكي مكتوبه
عدمن تشتكي
عدمن تشتكي بهالليل الشطوله
وانت اليوجعك ما تكدر تكوله
وين يدير وجهه الحجيه ما خلصان
لمن تخلص الناس اليسمعوله
وشينسيك اذا من نعمة النسيان
اسامي الناس التحب صدك مشيوله
غلطتك تبتدي بزلة كلب ولسان
كلت اول احبك بالعمر لانسان
كارها بكثر ما بذنه مكيوله
وانت اتحاول تفشل لحد الان
ما تكدر تصلح غلطتك الاولى
ولتصدك من الحب يطلع الغلطان
لو كلش قوي لو جثته مشيوله
لمن ينترس صدرك حجي ودخان
وحجيي الماله داعي بكعدت الصحبان
بوكتها تعيش كسرة خاطر الخسران
من تكوم وتحس رجليك مشلوله
وتشوف النصر بعيون خصمك جان
واقرب ناس الك جانو يصفكوله
ياما كعده تبدي وتنتهي بقصتي
خلتني اكره الي يريد مصلحتي
ياما كاسرت من خلكي فوك الكاس
وكلت بالعافيه لليشرب بصحتي
انه المو خمرهم نسمت بالراس
لحد ما كمت اشك ادمنو سالفتي
وحجيلك بعد واسمع الاذاني
الناس الشجعتهم من حجو عني
كعدو يمي كعدة ضابط التحقيق
وحرف من جابو اسمك ما طلع مني
وانه ما بين اسدلك هاي تفتح هاي
وسد مره بفراغك مره اسد ذني
وصلت المرحله الينصحني مااعرفه
يريد الخير الي لو جاي يتشفه ؟
بكد هذا النجم جان بسماي اصحاب
كمت كل يوم احس بيهم نجم يطفه
ما واصل وياهم مرحلة الاعتاب
وتخيل زعلهم ما مكلفه اسباب
مشو مثل الرسايل كلمن وضرفه
بس انت الرحت من كثرة ذنوبك
وعلي وجهك ثكل وتغير اسلوبك
مشيت وياك ما اذكر كلتلك وين
عله مايك جن طفل ومجلب بثوبك
تجرح بلحجي واني اسمع اتحذر
مثل اليلم بيده الجام المكسر
وتفرشه جمر وتحفه لدروبك
فضلك علمتني بروحتك ما خاف
بوكت بي مالي عيني وادري راح انعاف
من تحصل شخص بي تنملي جيوبك
مع رائد ابو فتيان