 |
| احلى توضيف للرساله شعر للرسائل |
احلى توضيف للرساله
شعر للرسائل
اكول انساك واقرا شدازلي واشتاك
ويفز بيه حنين الفاكدة مدلل
الشاعر علي المحمداوي
جبتلك ضرف ابيض بي رسالة شوك
لان ادري بمرارة ضرفك الاسود
وجبتلك صورتي اتعبرك سواد الليل
لان بلسجن اعرف ما الك احد
وجبتلك ضرف ابيض بوسه من تقراه
لان جوه الرسايل ضامتلك خد
الشاعر حـــسين الجـــابري
مرسال منك وصل ... اليوم احني النهر
وارسم شلب علكصب .. وافكس عيون السهر
والليل ادكه كحل ,, والمات خله يموت
عندي ويه شفتك عتب ,, واخذ وعطه بسكوت
الشاعر هاشم الخزاعي
حجيك والرسايل مؤ شغل يومين
شغل اسنين وانت بلحضة ضيعته.
الشاعر علي المحمداوي
من كد ماترف مولاي حساس
امنسولف بيك تلتم العصافير
ربك دز رساله لحيدر اليوم
ماادري هديه مدري تقدير
كاتبله علي بينها للناس
تره الكعبه انبنت حتى امك تصير
الشاعر عباس الذهبي
مثل الرساله اطبكت
صرت بضرف كلش صعب..
الشاعر الدراجي يوسف
شفرق الفاتحه عله العافه ولفه وشال
حزن هذا يفكه بقطعه مال قماش
ويفك حزنه المفارك من يجي مرسال
الشاعر ابو فتيان
شجم مرسال دزيته كبل لا ينفتح ينشك,,,
الشاعر غني محسن
كلشي اليمر بيه ومنك افرح بي
ظرف مابي رساله ومنك افرح بي
الشاعر حيدر النوري
نمت وما دريت الريح...تاخذهه الرسالة لكبرك السهران...
واتدّليك بالعنوان...
واتردّك عليّه اردود...غيم وريح...
ألكَاطــع
من يكدر يوصل البجي
لبعيني ويكلهم
سال الدمع فوك الحجي
وشكك رسايلهم
الشاعر عصام كريم
واستحي لحد ما تعرفة
المستحة الي جان حالة
هيج اتذكرلة يمكن
مستحة الزاجل اذا ضيع رسالة
الشاعر امجد الدراجي
احلى توضيف لكل المفردات
👇🏻👇🏻👇🏻👇🏻
