 |
ايهاب المالكي عراقي أنه اليدك بابي محفوض يصيح |
ايهاب المالكي عراقي أنه اليدك بابي محفوض يصيح
ايهاب المالكي
عراقي انه اليدك بابي محفوظ يصيح
بالديوان اسوي من الدول تجوه
نشأت انه كبل لا ينشئ التاريخ
كبل آدم أقراني ومن كبل حواه
تعرفني الهلهلت من بين ألف فزاع
أنه الشديت حافل ساعة النخوه
من كد ماشربت من المنيه الكاس
أظوك الموت أسلطن وشعر بنشوه
جنت ريشه وطحت من جنح عزرائيل
تقوة ملك صالح يمتلك قسوه
ضفتني وشايف عزوبيت بيها عجاز
بالبرزخ شتمو ريحة الكهوه
وانه عندي الفرس وكت الحرب ترتاح
ماقاتلت واحد من على الصحوه
أنه بعين الجسر واكف حرس بليل
وبعين التخوزر من تمر حلوه
ركضت اعله الشمس حتى أستفز الليل
جنت أضحك بصوت وجدمي يجوه
صح صوبت بس جلد ماشكيت
ونطيت الرصاص الماطلع عطوه
انه الهدهد الجبت النبأ لسليمان
وطود العظيم وطائر السلوه
من أحذف أفعالي يظل فراغ الكون
وترك بالحضارة وبالزمن فجوه
شرتني المستحه وقيم جرئتي الموت
مستاهلته كلها وبالفعل يسوه
اشكك مو ألي من ألكالي جرح أحباب
اكولن يمكن هو مو هو
ماي وماردت بالروج أزعل الطير
باني ويه النوارس عالجرف خوه
شديت السرج وكت الحرب عالريح
وبجدم العواصف ركبت حذوه
مثل عطر الشلب من توصل المشخاب
من تجهبني تشتم ريحة مروه
ثكيل وماضحكت بنص مضيف بصوت
ومغربل ضحكتي من الحزن كوه
أنه سنة رسول ومصحف وأنجيل
وأنه قبت امام ومرجع وفتوه
انه عندي الترف مو بالجسد بالروح
مافسر التطور بالمشي اتلوه
بالظاهر جلد بس أشبه المحار
ماتشبه صدفته اللؤلؤه الجوه
انه مشيت نسق مستعرض بكانون
صدى ضربت مسيري بكل أذن دوه
صدت ليلي لأن بلشص نجم حطيت
أبن هور وخبير وصيدي مو توه
يحركني اللهب بس أطلع أحله هواي
ماشوه بشرتي وكلشي ماسوه
اندل الجمر واعرف زوايه النار
من جانت الوادم تجدح بحصوه
سهرت ويه الورد وتمرجحت بالغيم
وعيت الطيور من الفجر ضوه
جنت أرسم كلب وعيوني معصوبات
اضحك والمشانق عن بعد خطوه
مثل دجله وفرات من ألتقن وياي
هيج ألتقن بيه الثورة والثروة
أذا رت تغرفني وشفت مثلي هواي
والكل عده جلمه ويمتلك حضوه
شوف الكوسر الياضهر جاي ولام
تعرفني استنادا علوصف هوه
كل القصائد الوجدانيه للشاعر ايهاب المالكي هنااااااا
كل القصائد الوطنيه للشاعر ايهاب المالكي هنااااااا
كل القصائد الحسينيه للشاعر ايهاب المالكي هنااااااا
كل القصائد الغزل للشاعر ايهاب المالكي هنااااااا
كل القصائد الرثاء للشاعر ايهاب المالكي هنااااااا