فاضل حسن ودوني, جذابين جذابين
مو راح أموت من العشق
كل لحظة أعوفة نحترق
اتمنى اطوف بحضرته
مثل الحلم بس من صدق
ودوني .. لحيدر علي ودوني
مشتاقه شوفه عيوني
اوصل اله خلوني
صدقوني .. محتاج اله صدقوني
شلون اوصله علموني
من فركته خلصوني
قالو صعب دربه .. شكرا قلت
ها ياعلي وينك .. يمك ردت
ودوني .. لحيدر علي ودوني
مشتاقه شوفه عيوني
اوصل اله خلوني
صدقوني .. محتاج اله صدقوني
شلون اوصله علموني
من فركته خلصوني
ــــــــــــــــــــــــــــــــــــــــــــــــــ ـــــ
خيط العمر جاسه الدمع
وبلا ضوا مر الشمع
راح انطفي وينك علي
صرت انا يادوب انسمع
حاجيني .. كلمه رضا حاجيني
بهالحاله لا تخليني
يالنظرتك تكفيني
ناسيني .. خل الزمن ناسيني
بس ع الصبر دليني
من غيرك يراعيني
ياحسره عيوني لذاك الدرب
حرقتني اشواقي وحر القلب
...
حاجيني .. كلمه رضا حاجيني
بهالحاله لا تخليني
يالنظرتك تكفيني
ناسيني .. خل الزمن ناسيني
بس ع الصبر دليني
من غيرك يراعيني
ــــــــــــــــــــــــــــــــــــــــــــ
سير على قلبي الوفا
نعسان يم بابي غفا
مشتاق ويردد علي
ظل يحترق لحد ما طفي
...
رحموني .. سائل علي رحموني
يالرايحين خذوني
والعتبته وصلوني
عافوني .. كل المشو عافوني
حاير واعيش ظنوني
اتمنى ما ينسوني
...
عاشق أمير النور بس ما شفت
لحظة ضوا بدنياي لا ما عشت
...
رحموني .. سائل علي رحموني
يالرايحين خذوني
ولعتبته وصلوني
عافوني .. كل المشو عافوني
حاير واعيش ظنوني
اتمنى ما ينسوني
ـــــــــــــــــــــــــــــــــــــــــــــــ
ضايع على أنفاس الهوى
تايه من جروح الدوا
يالبيدك ترد الشمس
طوقني بجفوفك ضوا
...
عاميني .. بعدك علي عاميني
دم ياعلي مبجيني
ياعشق غافي بعيني
يلاقيني ..ماشوف اليلاقيني
حبك علي مخليني
ماشوف اليلاقيني
...
حب للأبد ياروح حب العلي
قلبي الك مكتوب أنت الولي
...
ودوني .. لحيدر علي ودوني
مشتاقه شوفه عيوني
اوصل اله خلوني
صدقوني .. محتاج اله صدقوني
شلون اوصله علموني
من فركته خلصوني
فاضل حسن جذابين جذابين
جذابين جذابين
جربناهم من سنين
ذبحتونا بقرار الليل
بالجنازه الصبح ماشين
تعبنا من وفه وياكم
ماحسب تخونونا
حراميه عرفناكم
ع المكشوف بكتونا
غشمه وكيفو بينا
باكونا وتغطينا
الحكومه البرلمانيين
بالمئة اضن تسعين
جذابين جذابين
بعد كافي جذب مليت
بيرد مايخلص احبال
شنكض منا حرامي البيت
اجيبه يمين غطاء شمال
اخذ الي أخذته وروح
بس خليلي راحتك بال
بعد داعش اكو عنوان
من هلمال حمل جبال
لوما نوكفلها تطيح
الماهزه الوطن تمثال
الحمد لله الحشد موجود
ينشفون الدمع لو سال
مرتاحين مرتاحين
وينامون ترس العين
لاعدهم تجوع اطفال
ولالكمة عشه بالدين
النفط والكهرباء راحون
خزينتنا نهبتوها
طاحت نكطت الغيره
وي الموال الغسلتوها
لا سنة انتو لا شيعة
شلع بعتونا فد بيعة
الحمد لله وحشدنا الزين
فضح جذب السياسيين
جذابين جذابين
كل قصائد الشاعر قاضل حسن الحسينيه هناااااااا
كل قصائد الشاعر قاضل حسن الرثاء والوطن هنااااااا
كل قصائد الشاعر قاضل حسن الوجدانيه هنااااااا
كل قصائد الشاعر قاضل حسن للسيد الشهيد هنااااااا
الحوار صريح هنااااااااااا