 |
| عصام كريم خلصت البكلبي ضل بكلبي |
عصام كريم خلصت
لبگلبي ضل ابگلبي حد ما عفتك
جانت سوالفنه اعلى گد مصلحتك
مازادو اهلي عليك دگت ميزان
وساويت حصت امي العزيزه وحصتك
من احسب زعلنه الگاك كلهن غلطان
ولو تذكر اني بكلهن الصالحتك
خانگني وارفس بيدك وما خلصان
بس حل رگبتي وخل احل مشكلتك
خلصت وما لحگت اگلك تعبان
ومن شفتي الأذنك وكت ما عندك جان
وتحملتهن ضيگ خلگي و وكتك
خلصت وهاك اسمع نصيحة خسران
وأول بشر مسجون ينصح سجان
مختصر التعلمته من تجربتك
لا تسأل مجرب وترجع فشلان
مركز جنت عرافه تقره الفنجان
ولليوم ما مفتهم شي من قصتك
هوه السجن مو شرط بربع حيطان
وما تسوه شي حريتك بلا صحتك
تحس بالسجن لو شفت حيلك خلصان
وتموت بس روحك مچلبه بجثتك
خلصت وآخر ذكره ضلت نيشان
تمر صورتك كل ما حچو بالخذلان
مثل العطر من يطبع بذاكرتك
كل القصائد للشاعر عصام كريم