 |
| احله شعر على الام الاب |
احله شعر على الام الاب
آآآآآه كم اشتاق أيام ابي ذالك الرجل
العصبي قلبه قلب صبي وصبره
صبر نبي رحم الله ابي
امي وابوي وياي بلبيت
لكني عايش عيشه ايتام
الحزن عينه على أمي
وجفنه مافد يوم غمض
والوحيد الفاك حزنه بس گلبهه اللابس ابيض
ربي لتعجل سفرهه
عمري اخذه ولاعمرهه
شرد اكول وهي عطر من البتول وشريد اكول وهي وصية الرسول
سامحيني ، خاف صوتي بيوم عليتة عليچ..
للروح محسن ناصر الموسوي
مرة اجت غيمة جبيرة لمنطقتنة
وطلعت امي
صارت لديرتنة المظلمة شمس
- سجاد صباح
طولك امان و شيبتك خير
وياما بفيّك ناموا الغير
حنين وگلبك عالمساكين
من ايدك تلگط العصافير
يربُ باچر يجيني الموت ياهو يبچي دفاني ياهو ينامَ على تابوتَ ويشيلونههَ خواني
مروان البهادلي
امي شما گلت وشما يگولون
بحر كلمات كله بحقها عادي
تهز كاروك اخوي عيونها تنام
ويظل چفها ايتحرك لا ارادي
حيدر الشاكر
امي ماشايفها ظلها امي كل عقده تحلها امي من سترلعلها انه ماشايفها كلها
عباس صالح
يمه حزن الدنيا دافي .. يدفي بيهم
حزني بارد !
يمه حزن الناس طيف .. يموت باچر
حزني گاعد
يمه حزن الناس مايترك علامة
وحزني شامه ..
ابراهيم الرائدي
أمي ..
لو صلت.... مناره ..
يصلي وياها الشجر
أمي لو تنسه الاذان
يصير مذهبنا حجر
ومن نغيب..
توگف عله الباب صفصافه حزينه
وتظل تدعي ..
وتظل تدعي ..
ربي يرجع بالسلام
مره رديت ولگيت مبيّض بچفها الحمام !!!
ل
عماد المطاريحي
من نغيب
توگف اعله الباب صفصافة حزينة
وتضل تدعي
وتضل تدعي
ربي يرجع بالسلام
مرة رديت ولگيت مبيض بچفها الحمام
عماد المطاريحي
حسبت لليندف يطلع خضار
ودفنو امي وما شفت مطلعهة
حيدر كريم الفتلاوي
شمرت صوبي حجاره وصاحت بالك بالك خاف تلوحك
سعدون قاسم
دمع سالت عيوني امي اني
وجاهل يم عطفهه امي اني
سمعت بصوت تنده امي اني
تصيح وليدي كوم الحك عليه
لي
امي كعبه تشيلت حب وحنان
كعبة ابراهيم من طين وحجر
الااستاذ
عماد المطاريحي
سيد مرة وردت ارجع متأخر
شافتني امي
شحتتني امي لذاك الصوب
شمرت صوبي حجارة وصاحت
بالك بالك .. خاف تلوحك
رديت ابچي مناشغ حيل
تعذرتلها .....
وگالت خو ما زدت جروحك
منقول
أبوي من التواضع والكرم مخلوق
أبوي الطايحتلك جانت تعرفة
نقره الفاتحة يم كبرة من نزور
يهدي الفاتحة للنايم بصفة
-قيس المالكي
بويه العافيه انته ومن رحت لليوم
ملك الموت اخذها وياك عافيتي
توقيتك خلص ماكو عتراض بهاي
بس اني اعترض جي قبل توقيتي
للجميل والترف الشاعر علي النداوي
أحلى شي عند امي لون عيونها
شما أركز بيها ادوخ بـ لونها
الناس خابصها الخضار من السواد
و امي صورة والدي ع جفونها
رائد ابو فتيان
يمه دخيلج اترجاج ضميني بسواد الشيله ..الكاطع
امي الحاسبة بشجرتنه كم عصفور
وتعدهن بالاسامي من يردنه
واذا ردن نقص واحد تهيم وياه
واحد من ولدهه المارجع جنه
رائد ابو الفتيان
تغيم لو وكف ديان بالباب
الغير امنه تعرگ بس امنه مطرت
زين العابدين
يمه ادخيلج اترجاج
ضميني بسواد الشيله
الكاطع
فرح من شاف طولي تلابست وياه
ويسميني الصغير الما كبر بعده
واكولن شاب بعده وراسه لابس شيب
والله البارحه انزف واحد بكده
حته بعشكه جان انسان من انسان
احتراما لامي ابد ماغازل الورده
وي امي بالتشييع هب بارد الريح
شمرت غطة التابوت لف روحك تصيح
ماعدنة والخطار غفلة اعتنونة
نگط عرگ واغتاض بالصورة ابونة
م
ما نصبر اذا ترحين خطار
يمه شلون نتحمل تموتين
علاء عبد
تحت رجليـج توجـد جنة الله
جا شنهي اعله راسج يمه موجود
سالم الدبيسي
وانه اتشرف هويتي إنختمت بجرحين
جرح إمي العظيمه وجرح ابوي الراح
عبد الحسين الحلفي
ماتت امي من الالم بس ماكو صوت
و مات ابوي من البرد بس ما رجف
نائل المظفر
تحت رجليـج توجـد .... جنة الله
جا شنهي اعله راسج يمه موجود ؟
سالم الدبيسي
كرم عدها وملحها يغزر بذيب
البطن والعين يترسهن خبزها.
تمام كامل.
أمّي بسم الله الرحمن الرحيم
و متّعوّذ...
حتّة ع الشّيطان خافت
تگول عندة اطفال زوجة شلون أگللة الرجيم
أمجد الدراجي
ادم ورث گاع وماگدر يرتاح
لأن هوه الوحيد الماله ام بيها
عصام_كريم