ايهاب المالكي من اولها

ايهاب المالكي من اولها

من اولها

من اولها لو قاريني بس مشغول

ماشفت العلسطر والعلى اغلافي

منتضرك صدك بس  مو بهل يومين 

خليت المعاتب والجرح خافي

من شفتك تجي ابلا واهس اضطريت

اضم كل السوالف واقفل اشفافي 

انه تغيرت من گمت أمل الناس 

ادور شوفتك واوكف علطرافي

من جانت ضحكتك گوه تطلع جان

خلك مال واحد نيته يجافي

من صارت اسرارك يمي ما تنگال

واتدنت الصوتك وادم اخلافي

من ظل موعدك ينسي وتالي تكول

اي والله نسيتك بالي مو.صافي 

بعد ما رافگه للذاكرته تغدر بي

ولا صديتله للما يعرف يوافي 

منك وانتهت للگيش خليت 

لو يضمك بعد لو يغرك اضفافي 

ماريد الحروف الما بنصهن .روح 

اجل اليعتذر كون العذر.شافي 

كبل حته الزعل واني بذروتي الكاك

تتقمص زعلتي وتاخذ اوصافي

وراضيك بعذر من باب اخسرك خاف

هسه من ارد اربحك اخسر اوصافي

اسمعك يمكن وما قاطعك بس راح

اكو واحد بكلبي يصيحلك كافي

كل القصائد الوجدانيه للشاعر ايهاب المالكي هنااااااا
كل القصائد الوطنيه للشاعر ايهاب المالكي هنااااااا
كل القصائد الحسينيه  للشاعر ايهاب المالكي هنااااااا 
كل القصائد الغزل للشاعر ايهاب المالكي هنااااااا
كل القصائد الرثاء للشاعر ايهاب المالكي هنااااااا