 |
| فاضل عبد الساده ليل وحشة |
فاضل عبد الساده ليل وحشة
ليل وحشة
وابنادم ماطبك رمشة
وجدمي استوه اتعلم يمشي..وبالكوه يثبت بالممشه
وغيم مشرع كل بيبانه..والكاع اتنز كلش هشه
ومزاليك الدنيه تخوف..وادور عالناس الحرشة
ومثل الطير الفاكد سربه..وماشايل عنوان العشه
دور كل اشجار الدنيه..ورد بجناحه الدمع يمشه
وكل ما حط يرتاح اشويه..مية احجارة طير اتنشه
هذا انه الجزعتني الدنيه..وليل اسنيني يدور غبشه
وهذا انه المايخلص حزني..يتغده وياي ويتعشه
ويغبشلي مشكبن صدماته..ودربي بدمع الحيره يرشه
مخلص حزني..مافاركني..ولاغشني بيوم ولا غشه
صاحبني بهزة كاروكي..وصارحني وماجاني مغشه
حزني أسود من شيلت أمي..ومأساة الطف زرعت هرشه
وحالف لو هو يزت نعشي..لو انه الزاتوت ابنعشه