 |
| الشاعر ثامر سعد رثاء الشاعر علي مهدي |
الشاعر ثامر سعد رثاء الشاعر علي مهدي
يوجعني وداعك
يوجعني وداعك تدري ما تدري
ولو تدري جا لاويت عزرائيل لو تدري
ما مستوعب الصاير ثلم عمري
شلون الما مزعلني كسر ظهري
ولا واحد بفاتحتگ بوجهه انكاب
مشدوهين ، مصدومين حد اليوم ما ندري
توها عيونه غورگت وانت بجيت
حنين وباجي بالتابوت على دمعاتنا التجري
حنين الجفن ناگع باجي حد الموت
واعرفك غافي ما ميت الميت دمعه ما يجري
حزنك نشغت ال بسكوت
ويعذرني شكو واحد وراك يموت
ما خليت لا دمعة ولا فزة ولا ضل صوت
حبيبي اعذرني كل يومية جاي ابجيك بس ما اموت
يا گلبي امي من اعثر اسم الله الكاك
عدل خليتني بس عدل بالتابوت
اخاف اكعدلي نمت هواي
استحي من اليعزوني انا المفروض
اموت وياك مو غافي ، وحبيبي بدجلة فوگ الماي
لو ميت بمكانك ما تضل هواي
تموت من البچي فوكاي
تخوف الدنيا من دونك
دنيا شكدها ظلمت من وره سنونگ
جنك عايش وميتين من دونك
حنين وشوكك مبين على عيونك
كد الشوگ من سدوهن عيونك رجعت تفتح عيونك
ترضى تموت واتعلعل
ترضى شلون تفتر على احلام الناس
وانا بطيوفك اتوسل
ترضى تشوفني بس انت ما تنشاف
مبلل مو حرام تبچي المبلل
يا عيسى اليرجع الموته وين الكاه
ابوس جفوفة وابجيلة واصليلة لحد ما اموت بس اعدل
يرجعك يا حرز يا دين يا تمثال
دليني واروح بدمعتي ملهوف ابدل ديني واتوسل
فززني اليلوليلي
مدري شلون صارت هاي فززني اليلوليلي
خانگني ي نسمة الباردة بجيلي
اسم الله من الثواب ل ب اسمك وطاريك
اسم الله بعد عمري وبعد جيلي
الكبور البصفك من بجيت هناك
صاحبهم اتمنوني واحسها اصيح وين المثلة يبجيلي
كل الرثاء للشاعرين علي مهدي وزيد السومري هناااااااا
كل الرثاء 👈👈👈👈👈👈👈 هناااااا
القصيده على اليوتيوب 👈👈👈👈👈 هنااااااا