عصام كريم رثاء زيد السومري علي مهدي
يا خبر موتك
يا خبر موتك جن خبر
واحد عزيز من اهلي
شرثيك وانت اخر بشر
كتله من اموت اكتبلي
خلصو بخور ومي ورد
كل العليهم معتمد
يرثوني ماتو قبلي
ياعطر شال وشابگ ازلوف
وشاعر زغير بعلم ملفوف
تشريني ما يعرف شنو الخوف
وعريس الارض لنجف مزفوف
ترضها يا كلب العصافير
يلجنت تضحك عل شواجير
المن ردت للوطن تغير
وموتك قريب وعمرك زغير
وشحجيلك عللخنكه بينه
ونافسنه يعكوب ابجينه
ودي قميصك مو عمينه
وقمصان ما ضلت علينه
موش انت نتوسل بكياك
لو ترد لو تاخذنه وياك
صح ابكبر مدفون عفناك
بس وين ما نندار نلكاك
ما ضن عيونك هنه هنه
كدام كبرك تيهنه
ورحنه على دفانك سألناه
جبنه اسمك وبين حزنه
وضل يطلب وندري استغلنه
وانطينه حد ما جاز منه
وردينه من عندك بلا راي
وما زرنه حته كبور اهلنه
كون المكابر بيهن بيوت
ينسكنن من الصبح شلنه
تمنينه كون بكيف اليموت
جا متنه يمك وندفنه
بكد برد وجهك بينه حركه
من موتك والدنيا خنكه
وكبرك نحس ما بيه ملكه
ماخله شي منك نشبكه
واخر قصيده اتشوفك الناس
تقراها وانت باخر انفاس
مصيوب والينزف من الراس
اكثر من الدم جان الاحساس
ردينه والحيره كلتنه
عفناك ما ندري عفتنه
موتك كلب كل الموازين
يوليدنه يل يتمتنه
خل امشي من حزنك شويه
للغيره ذيج السومريه
بفرحك وحزنك جان وياك
حته بجنايزكم سويه
القصيده على اليوتيوب اضغط على الصوره 👇🏻👇🏻
انت العراقي وسومري
انت العراقي وسومري من الجذر ،
وتشريني قلمك راهب اجم شمر .
زلمه ورثيتك وانت بعدك عدل .
بهذا الزمن ميعيش شاعر جسر
احنه ابوطن مبيوعه بيه الزلم..
لو ع السواتر موتهم لو غدر.
ولهذا لو ما شفت واتاكدت.
ما صدك بموتك قضاء وقدر
بذاك الوكت قناص ما خوفك..
ضم راسه وانت اتهوس اعالجسر
بس يم اليجدون ترجف جنت..
من الخوف مو وجهك اهدومك صفر
مرات احسدك والله شايل كلب
تكتب غزل والموت عنك شبر ..
موقفك بلتحرير ثايت بقه
وتفتر بقلمك على الوان الشعر .
محبوب كاسر وحشت المكبره .
مرجوحه جنك بين كبر وكبر .
شوف الوفه ما نعرف اتحب منو .
كل الوصلناله ابو اعيون الخضر
شاعر بنائك بالشعر يختلف
كل بيت احسك ملك يبني بقصر
لليوم احس طاريك من ينذكر
بيناتنه مكسوره شيشت عطر
الكاتلني اعرفك حر شلون اختصر
وشلون الم مثلك وادفنه ابمتر
منك ومن علاوي اريد اعتذر
نام بهنه ومحولل على البجي..
ومبريه ذمتك كسرت اجم ضهر ..
بكلوب ربعك ابد ما تنسي .
مثل القصايد مالتك مستمر ...