 |
| يحيى العلاق انا شاعر حزن مختص بلهموم |
انا شاعر حزن مختص بالهموم
يحيى العلاق انا شاعر
اعجبك من اريد اتناول الموت
اخلي المفرده اتنكط توابيت
واخلي البيت نفسه ايهزه معناه
يشك زيجه اعلى روحه ويلطم البيت
يهتفلي الدمع من اقره عالضيم
وتصفكلي الجكاير ولبواكيت
كبل شعري ترف بس وي كبل راح
وجنت اكتب غزل تاليهه كفيت
تبت مابعد اصيرن روميو انوب
لان بارخص ثمن باعتني جوليت
تجاهلني بعد وياي ثگل الدم
لاتنطي مجال اصعب وكابر هم
ضبط سوي روحك عود مامهتم
والله تحبني حب بس الله بي يعلم
تراقب عن بعد گلبك عليه يلوب
جرأه البالگلب لو تنتقل بالفم
چا كلمة احبك جزت ذاك الصوب
والاطرش سمعها واجه وگلك تم
من اكعد گبالك تلتفت ليغاد
مو يمي القضيه وانت رب اليم
اسولف ويه غيرك احس بيك تموت
فص عينك طلع ما اعرف شدردم
احجي بصوت عالي شدردمت لتخاف
من المنضغط اتوقع اشبع ذم
ولو مرات ادك دگة خباثه وياك
اشوفك روحي واكعد اختل اتبسم
تظل عينك تدور عليه بين الناس
والبيدك يطيح ويغدي وجهك دم
هنا يبدي الضعف ويبين المبهم
بهاللحظة المشاعر صدك تترجم