 |
| رائد ابو فتيان ما كلفت نفسك مكتوبه كتابه |
رائد ابو فتيان
ما كلفت نفسك مكتوبه كتابه
ما كلفت نفسك بالحلم مريت
ورد بيه الضعف درت حمام البيت
انه مقرر وناسي وكارهك مرات
وجم مره اعله ذكرى تخصك انغثيت
اشمدريني اعله غفله ويكعد المدفون
انه دورت سنه ودورت محب سويت
وانته شبيك لا حققت حلمي وياي
ولا حته بمنامي بالحلم ضليت
من ضايك صبح وحشه المغرب بي
وياليل الشته شمالك للضحه ورديت
وصحه بكلبي حنين يرجع المكتول
بس ريحت مذله برجعتي شتميت
من باب المروه جنت امرن بيك
ومن باب المروره لبابي ما مريت
وطحت اكبال بيتك طيحت المصيوب
لمن يوصل اهله وباب ما فكيت
وجهي اشاف منك غير ست الباب
وانه بعشرتك موضوع ما سديت
وصرت اشكيك للما يفتهم بالشوك
بعد ما بزعت كل فاهم امن اشكيت
الجانو صدر واسع بزعتهم بيك
اهوووو صاحو اصحابي من كلت حنيت
الجانو ناطرين اشفافي كلشي تكول
هسه بوجهي ابشرك كالو شلحيت
يالكلك تعب وياك ليش ارتاح
ويالماتسوى ليش بكلشي الك ضحيت
وليش الموت مر عمري وضحكت وياه
ومن طاريك مرني بنص عرس ونيت
وليش هدومي تعرض من اثر فركاك
وبنفس الوكت ضيگ عليه البيت
الله شحاطلك شو حنظلك محبوب؟
اقتنعت الگهوة مرة وهم علي شحيت
كل القصائد الوجدانيه للشاعر رائد ابو فنيان هناااااا
كل القصائدالوطنيه والرثاء للشاعر رائد ابو فنيان هناااااا
كل القصائدالحسينيه للشاعر رائد ابو فنيان هناااااا
كل القصائدالغزل للشاعر رائد ابو فنيان هنااااا