 |
| يحيى العلاق صح اعتب جبتها مكتوبه |
يحيى العلاق صح اعتب جبتها مكتوبه
ومضات
قصيدة صح اعتب
صح اعتب جبتها اشبيدي غير اعتب
بالله ابغيرتك عود انت هم اتحب
لو تعرف الحب شني اشرحلي وانه اكتب
يتعب لا وحقك انت التعب
تحجج علي ما افتهم شتريد
تزعل تختلف وبسالفه اچلب
الحب تضحيه وانت اشوكت ضحيت
من يومك ادور حار ومكسب
احتاجك اريدك يمي ما الگاك
وين التضحيات اصدگ اچذب
قاطعتك اعتذر استمر يا طيب
الحب اهتمام ونفرض اهتميت
ساعه ومن بعدها الوضع ما يعجب
لمن تروه مني اذبني ذب وتروح
عمي انه بشر مو طاسه مالت حب
لا تاخذ ابالك كمل احبيب
الحب اشتياگ اسمحلي يالتشتاگ
نزلت دمعتك سهران متعذب
على طاري السهر انه الشربت اليل
حضرتك قفلت من اذن المغرب
الحب بالخلايه ويجري بالشريان
اي فعلن لگيت اليفتهم بالطب
ما عدك خليه البيها ذرر احساس
بيك الذنب كله وماكلت مذنب
اليسمع حجيك هاذ الصدگ يتمناك
كلامك يعحب ودگاتك اتعجب
حسبالك رحت
لاما رحت موجودوهذا الوگع من ايدك دهاك الزم
دايخ بيه دايخ هسه شموازيك
فضها وكول احبك شلك بهالهم
يعجبك شكلي صوتي ووكفتي وممشاي
حافظني حفظ تندلني وين انشم
متردد بطبعك حذر مدري شبيك
ترجع الف خطوه وخطوه تتقدم
اذا حتى السلام ترده بالمثقال
ما اسلم تكول شدعوه ما سلم
لكن هم اعذرك عقلك مأذيك
الله يساعدة چم قسم يتقسم
ما بين المكابر والخجل والشوگ
والحب والشرف والنسب وابن العم
ترا الدنيا گصيره والسنين خفاف
من تتبده منك بعد ما تنلم