 |
يحيى العلاق درت كلها بحبنه مشت بيك الشفايف |
يحيى العلاق درت كلها بحبنه مشت بيك الشفايف
ومضات
يحيى العلاق درت كلها بحبنه
درت كلها بحبنه من حبينه
مابقه أحد ماحجه بطارينه
اتكلي انسه وأصدقاء خلينه
على بختك شمتتهم بينه
ماتكلي اشلون نرجع أصدقاء
يعني شنسوي اذ تلاكينه
شلونك اشلون الأهل؟ والله اني زين
وانت هم اشلون صحتك ؟زينه!
صعبه واحد يكدر يرد السلام
والدمع حاجز مكان بعينه
ونسرح بنظراتنه ويصحه الشعور
ياترى الياموقف يودينه
للتفاصيل البسيطه البيها روح
الكعده والضحكه ودرب ماشينه
وكافي تتهرب وحب وكبرياء
والقصائد كل هذيج الزينه
وكتلك نشيب سوه وكبلك أموت
كتلي كافي اسم الله لتبجينه
جنه كدما نعشك نسوي الرهان
منو يحب الثاني أكثر بينه
ومن اكلك اني لا اني تصيح
ابو الاني اشويه لا ترمينه
الحب فعل مو ثرثره وكثره كلام
ليش نحلف جذب شموازينه
جاي تطعني بعذر نبقى أصدقاء
والله عيب وفشله من ماضينه
مشت بيك الشفايف
يلمفخور خصرك بيه اتباهي الناس
نسيت آنه الفخرته ابحر براكيني
اهمس جوه اذنك بين اديه اتذوب
اوتصرخ من المك بعد بديني
مشت بيك الشفايف مشية السكران
اوشاماتك صحت هيه التدليني
اسد باب العقل من انسجم وياك
وفتح باب اطلع كل سواديني
چنت تغفه اعلى صدري اوتستلذ بلنوم
اوشعرك چان مدمن مشط چفيني
وذا صابك مرض اتمنه بيه ايصير
واتقصد احضنك حتى تعديني
شتلتك عود يابس شارد امنلنار
يوم الخضرت تنكر فضل طيني
عفت گاعي غفل خط رجعه ماخليت
اوسكنت ابمزهريه من خزف صيني